Wa Gad Govament A-Go Du Bout Waar
Aal uova di worl, a wol iip a plies a mash op an a wol iip a piipl a sofa kaaz a di waar dem we a gwaan. Ier dem nyuuz ya:
“Kaaz a wa a gwaan iina Iitiyuopiya an Yuukrien, laas ier muo piipl ded fram waar muo dan eni ada ier sins 1994.”—Peace Research Institute Oslo, Juun 7, 2023.
“Aal uova di worl, nof waar we did a gwaan get wos iina 2022. Di waar iina Yuukrien a did jos wan a dem. A bout 1.7 biliyan piipl did afi diil wid som kain-a prablem kaaz a dem waar de.”—The Armed Conflict Location & Event Data Project (ACLED), Febiweri 8, 2023.
Di Baibl mek wi nuo se tingz a-go get beta. It tel wi se “di Gad we de a evn a-go set op fi’im King fi ruul fi’im govament we naa go eva mash op.” (Daniyel 2:44) Wen Gad govament a ron tingz, it a-go “tap di waar dem we a gwaan aal uova di ort.”—Saam 46:9.