IWIARNARUM PUJUSTARUM
2022 uwitin nukap itiurchat iruniarmai | Yuus papiisha warintiawak?
2022 uwitinkia meset iruniarmai, ashi nunkanam uurkamu nuyanchuka uunt nasesha yumisha tura chikichsha aintiaku itiurchat nankaamasarmai, nuyasha kuit atsakui nukap aents waitsarmai. Urukamtai itiurchat imiasha irunea nu nekaatasrikia Yuusa chichame unuimiatratniuitji.
2022 uwitincha itiurchat urukamtai timia nukap iruniarma?
2022 uwitin ti itiurchat nankaamasaru asamtai amuukatin tsawan jeatema nu nekaji (2 Timiutéun 3:1). 1914 uwitinia juarki amuukatin tsawan nuntumsamunam pujaji. Yamai tsawantai turuna nuna Yuusa chichame yaunchuk etserkamiayi.
Yuusa chichame tawai: Nukap meset atatui (Matéu 24:6).
Aentscha tuiniawai: “2022 uwitinkia Europanam meset ti itiurchat ataksha juarnakmai”. a
“Rusia Ucranian mesetan najateawai” tana nusha iistarum.
Yuusa chichame tawai: Nukap tsuka atatui (Matéu 24:7).
Aentscha tuiniawai: “Yaunchujai nankaamas 2022 uwitinkia tsuka ti itiurchat iruniarmai”. b
“Ucranianam maaniniakui ashi nunkanam tsuka nuran ajawai” tana nusha iistarum.
Yuusa chichame tawai: Sunkur ukakattawai (Rúkas 21:11).
Aentscha tuiniawai: “Polio sunkur ataksha pampawai. Viruela del mono sunkursha ukakmanum coronavirus sunkurnasha untsuri aents achimiakarmai. Nu sunkur iruna nujai aents ti itiurchat pujuiniawai”. c
“Ti untsuri aents COVID sunkurjai jakarua nuna Yuusa chichamesha warintiuak?” tana nusha iistarum.
Yuusa chichame tawai: Ashammai iruntiatui (Lucas 21:11 TNM).
Aentscha tuiniawai: “2022 uwitin ashi nunkanam ti tsuer ajakui nuyanchuka yumi yutachkui tura kampuntin keakui nuinchuka ti nukap yutakui untsuri aents waitsarmai tura jakarmai, nuyasha ti nukap nu itiurchatnumia pisararuiti”. d
“Ju nunkanam ti tsuer ajawai” tana nusha iistarum.
Yuusa chichame tawai: Kajernainiak mai maania ajartatui (Rúkas 21:9).
Aentscha tuiniawai: “Kuit, takatcha atsa asamtai tura warinsha sumaktin kuitchikcha ajasarmatai yaunchujai nankaamas 2022 uwitinkia aents uunt naamkarun ti kajerkarmai”. e
“Warinkisha ti kuit ajaki wenawai” tana nusha iistarum.
Chikich uwitincha warin urukat?
2023 uwitin urukatin nuka nekaanachminiaiti. Tumaitkiuisha jukerusan Yuusa anaikiamuri nayaimpiniam pujana nu ju nunkanam mash iwiarkattana nuka nekaji (Taniar 2:44). Ninkia Yuusa wakeramuri ju nunkanam uminkiat tusa ashi waitiamun amuktatui (Mateo 6:9, 10 TNM).
Jesuska iwiarnarum pujustarum timiayi (Márkus 13:37). Amesha aitkiasmek turata. Yuusa chichameka yamai penker pujustinian yainkratniuiti tura aruma nui ti shiir pujustin atatna nunasha etsereawai. Nuna nekaattsam wakerakmeka jui seamtia.
a Jill Lawless: “2022 Was Year the Horror of War Returned to Europe”, AP News, 8 de diciembre de 2022.
b “Una crisis alimentaria mundial”, Programa Mundial de Alimentos.
c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 de septiembre de 2022.
d Martina Igini: “What’s Behind the Record-Breaking Extreme Weather Events of Summer 2022?”, Earth.Org. 24 de octubre de 2022.
e Thomas Carothers y Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 de diciembre de 2022.
Jusha awai
ENSEÑANZAS IMPORTANTES DE LA BIBLIA
Yuusa anáikiamurisha itiurkatta?
Jesús juu nunkanam pujus, akupin ati tusa Yuus anaitiuktatui, tu aujmatniuyayi. Kristu aents Yuusan seainiak: “Ame anáikiamuram juisha akupín atí” tu tiniu áiniawai.
YUUS PAPIINMANIA JINTINKRATMA
1914 uwitin Jesuska uunt ajas ekemsaiti
Yamai turunatniun Yuus uunt anaikiamun mesekranam iimtiksamiayi. Nuka 2.600 uwi nankaamasuiti tura nuka timiatrusan nankaamawai.
IISHA YAITIAJ
Yuusa chichamen unuimiartasan wakerajai tusam seamtia
Yuusa chichame nekaattsam wakeramna nuna turutskesh testigos de Jehovati urukuitiaj nunanu nekaata.
