Untsuri aents yaki penker akupkamniait tu enentaimin ainiawai.

 Yuusa chichamesha nuna warintiua?

 Aents naamkaru eketainiana nuka mashikia turatniun jeainiatsui tawai Yuusa chichame.

•    “Ju̱ nuṉkanmaya̱ akupin ainia nu enentáimtutsuk aentsush enentáimturairap kame niinkia uwemtikkiarturtin atsawai. Tuma ásar aents jákaṉka nuṉká ataksha waketainiawai túrunawar ni túratin iwiaramuncha nú tsawantini̱ṉ umitsuk ikiuawai” (Yus Kanta [Salmo] 146:3, 4).

 Aents naamkaru eketainiana nuka penker yaimin ainiaksha jakartin ainiawai. Arum chikich anaikiamu ekemsartatna nu ni turawarman aitkiasan turatniun tujinkiarminiaiti (Eclesiastés 2:18, 19 TNM).

 Aentska anaikiamu ekemas yaimkiat tusa najanachmaiti tawai Yuusa chichame.

•    “Maa nékajai Uunt Yusá, aents ju̱ní̱ túrattajai tusa niṉki iwiartumarchamniaiti. Núnisaṉ ni túrataj tana núnaka nekas umiktatjai títinniaka jeatsui” (Jirimías 10:23).

 Yamaiya jui aents naamka penker yaimkiamnia awash?

 Penker yainkratkamnia iis Yuus uunt anaikiamu ati tusa Jesusan anaikiaiti tawai Yuusa chichame (Yus Kanta [Salmo] 2:6). Yuus Jesusan uunt anaik ekentsaiti tuma asamtai nayaimpiniam uunt anaikiamu ajas pujawai (Matéu 6:10).

 Ameja Jesús uunt anaikiamu ati tusam wakeramek? Nui enentaimsatin urukamtai penkerait nuna Yuusa chichame tawai:

•    “Kajekmatai wárik jáka̱i̱j tusarum ni Uchirí̱sha shiir awajsatarum. ¡Kame ashí Nin enentáimtuinia nuka shiir enentáimias warasmin áiniatsuk!” (Yus Kanta [Salmo] 2:12).

 Iisha ya uunt anaikiamu ati tusar wakeraj nuka yamaiya jui enentaimsatniuitji. Yuusa chichamenka 1914 uwitin Jesús uunt anaikiamu ajas nayaimpiniam ekemsamiayi tawai. Nuyasha aents naamkaru eketainiana nuna amuk Jesús aya ninki uunt anaikiamu ajas ekemsattawai tawai Yuusa chichame (Taniar 2:44).

 Jesús itiura yainminiaitiam nu nekaataj takumka Apoyemos ahora el Reino de Dios tana nu aujsata.