Julio 2022 uwitin ipiattai ainiajai ipiattrar mankartuawaruiti:

•    “Japón nunkanam politicon tuku maawarmayi [ex primer ministro Shinzo Abe]. Nin maawarmatai nukap aents nuna ti aujmattsarmayi, nuinkia nukap ainis nankaamachu asamtai nuyasha nu nunkanmanka ipiattai ainianka yaksha nankamas takuchu asamtai” (10 de julio 2022, The Japan Times).

•    “Dinamarca nunkanam Copenhague nui, surutainiam nui aishman ipiattain takaku wania menaintiu aentsun maamai” (4 de julio 2022, Reuters).

•    “Sudáfrica: Soweto nui umutai amunam aishman waniawar ipiattrar 15 aentsun maawarmayi” (10 de julio 2022, The Guardian).

•    “Estados Unidosnum 4 de julio nu tsawantin nampermak pujuiniamunam ipiatrarmiania nui 220 aents jakarmayi” (5 de julio 2022, CBS News).

 Ainis mankartuiniamu urukamtai amukat tusar wakeraj? Yuusa chichamesha warintiua?

 Yuus papii amuukatin nuntumsamunam pujaji tawai. Yamai tsawantin nukap aents ti kajen tura yajasma ainis ainiawai (2 Timiutéun 3:1, 3). Ainis mankartuiniakui aentska ti sapijmiainiawai (Lucas 21:11 TNM). Tumaitkiusha Yuuska mankartamu irunna nuka amukattawai ainis tawai, tuma asa junis tawai: “Winia aentsruka itiurchat atsamunam sapijmiatsuk penker nawamnairar matsamsartatui” (Isaías 32:18 TNM). Mankartuiniamu irunna nusha itiuran amukat?

 Aents yajauch ainiana nuna tura ipiattai irunna nunasha Yuus amuktatui

•    “Íksaṉ aents Yusan yajauch chicharin ainia nuka tura anaṉkartin ainia nusha nupa̱ uwé ajapatniua núnis ártatui” (Nekatai̱n Jintinkiartin [Proverbios] 2:22).

•    “Mánitiai naṉkincha kupirainia nu tura mesetnum wetai káruncha áestuinia nu iitiarum. Nuna tura ashí nuṉka náṉkatka ímianai̱ mesetan iniaṉnakchaik” (Yus Kanta [Salmo] 46:9).

 Shiir amajnaisar matsamsarat tusa Yuus jintinkratattawai nuna tura mashiniu aini mankartamuka amukattawai

•    “Warí nayantsanam entsa piakua ánis ashí nuṉkanam Uunt Yus paant nekanattawai. Tuma asamtai ashí Winia akantúkma náintrui̱ṉkia itiurchat awajnáikiatniusha tura emeskatniusha peṉké atsuttawai” (Isayas 11:9).

•    Yamaisha aintsan Yuus mankartuawairap tura manitiai irunna nujai manikiairap tawai (Mikías 4:3).

 Sapijmiatsuk pujustin atatui Yuusa chichame tana nuna nu nukap nekattsam wakerakmeka Sapijmiatsuk pujusminiashitiaj? tana nu aujsata.

 Mankartuiniamu itiuran amukat nu nekaattsam Shiir amajnaisar pujustin atatui tana nu aujsata.