23 de mayo 2022 timianai, ashi nunkanam 6.270.000 aents COVID sunkurjai jakaruiti, tu Organización Mundial de la Salud etserkaiti. Turasha 5 de mayo 2022 nui etseruk, nujainkia nukaa nukapet jakaruash tumainti timiai. 2020 juarki 2021 timianai, COVID sunkur aa asamtai 14.900.000 timianu aents jakaruash tumainti timiai. Nunasha Yuusa chichamesha warintiuak?

•    Amuukatin tsawan jeakui “untsurí nuṉkanam tsukasha, suṉkursha ti átatui” tu Jesús etserkamiayi (Rúkas 21:11; 2 Timiutéun 3:1). a

 Yamai tsawantinkia nuu chicham uminiui. Nuu nukap nekaattsam, apach chichamjai “¿Cuál es la señal de ‘los últimos días’ o ‘los tiempos finales’?” tana nusha aujsata.

•    Yuusa chichame tawai “ii wáitiajnia nui̱ Yuska iin atsaṉtamji” (2 Kurintiunam 1:3, 4).

 Nii shuari jakamtai kuntuts pujuinia nuna Yuusa chichame ikiakainiaiti. Nuu nukap nekaattsam, apach chichamjai “Cómo sobrellevar el duelo: Sugerencias prácticas” nuya “La mejor ayuda para quienes están de duelo” tana nusha aujsata.

•    Yuusa chichamenka Yuus junis seatarum tawai: “Juisha uuntri ajastatmena nu tsawan jeati. Nayaimpiniam nuya nunkasha ame wakeramna aintsan najannati” (Matéu 6:10 TNM).

 Jukerusan Yuusa anaikiamuri ashi sunkuran amukarmatai “yaksha nui pujaka jaajai tichattawai” (Márkus 1:14, 15; Isayas 33:24 TNM). Yuusa anaikiamuri nayaimpiniam ekemas itiurkatta nu nekaattsam ju video iista: Yuusa anaikiamurisha itiurkatta?

 Uruma nui atatna nuna etseruk Yuusa chichame ikiakakratniuiti, tura yamaiya juish penker pujustinian jintinkratniuiti. Amesha nunanu unuimiatrata.