Jesuska winia jakamur enentaimtustarum timiania nu umiktasar testigo de Jehovati tuke uwitin irunniuitji tura untsuri aents ipiainiaji (Lucas 22:19 TNM). Nui pachinkiur Jesús urukamtai jakamia nu nekaatainti, tura Jesusa jakamuri itiur yainmaj, ukunmataisha itiur pujustataj nusha unuimiattainti (Juan 3:16 TNM).

 Jesusa jakamuri enentaimtamunam pachinkiachamsha ni jarutramkamiajnia nu neka asam wari itiurkatniuitiam? Nunaka Jesús jintinkiartuamiayi.

1.  1. Yuusna tura Jesusnasha unuimiatrata. Jesuska ni aparin aujeak timiayi: “Ame nekas Yuusaitmena nuna, tura Jesukristu ame akupkamun nuna nekaawar aentska tuke iwiaaku pujuartatui” (Juan 17:3 TNM).

2.  2. Unuimiamna nu umikta. Jesuska wi jintiamu antukrum umiktarum timiayi. Untsuri aentsun jintintiaasua amuak aents winia chichamprun antuk umiakka mak ainti timiayi (Rúkas 6:46-48). Nunisan chikich aentsnasha timiayi: “Nu nekaarum túrakrumka shiir átatrume” (Juaṉ 13:17).

 Yuusna tura Jesusnasha amesha nekaattsam wakeramek? Yuusa chichamesha umiktasam wakeramek? Nuna nekaatniuncha warimpia yainmaktata?

 Untsuri aents testigo de Jehovajai Yuusa chichamen unuimiatainiak penker nekaawar uminiawai.

•   Testigo de Jehovati Yuusa chichame kuitchajai unuikiartiniaitji. Nu nukap nekaattsam Yuusa chichame chikichkimsar unuiyamu tana nu iista.

•   Amesha Yuusa chichame penker unuimiatrata tana nu video iisam testigo de Jehová Yuusa chichamen unuitiamprarminiana nu nekaattame.

 Testigo de Jehová ni iruntairin Yuus enentaimtustai tusar tuke atsakamutin jimiara irunin ainiawai. Nuinkia itiurkaria Yuusa chichame umiktiniaitiajnia nu unuimiattainti.

 Testigo de Jehováchuitkiumsha ni iruntairin weminiaitme turutskesha internetnumani pachinkiamniaitme.

•   Ii iruntairinsha wari najantain? tana nu videosha iista.

•   Testigos de Jehová iruntairi tana nui enkemam testigo de Jehová tuimpia tijiuch irunainiana nu wainkiattame.

 Internetnum iiyamna jui nukap aarma tura videoksha Jesús jintinkratamiania nunaka tura urukamtai jarutramkamiajnia nunasha najankamu irunui.

 Itiurka chikichik aents jaka untsuri aentsun yainminiait nu nekattsam ju aujsata: ¿De qué manera nos salva Jesús? nuya Jesús jakamiania nui urukattaj? Nuyasha video Jesús urukamtai jakamia? tana nusha iista.