Copa Mundial FIFA najanattana nui 5 mil millones timianu aents iisartatuash tumainti. Nuka 20 de noviembre juarki 18 de diciembre 2022 uwitin timianai amukattawai. Nukap aents ainis nakuramu akuinkia untsuri aents iruntrarminiaiti tu tiniu ainiawai.

•    “Naku akuinkia nukap aents ni enentaimmian yapajiawarminiaiti nuyasha aentska irunin ainiawai” (Nelson Mandela, expresidente de Sudáfrica).

•    “Naku akuinkia [...] ni awakmakchatpiash tu enentaimin ainiawai nuyasha mash warau ainiawai tura charatum ajatin ainiawai tura aintsan anenain ainiawai nuyasha chikich aents chikich aents irunin ainiawai” (Gianni Infantino, presidente de la FIFA). a

 Fútbol turutskesha chikich naku ainiana nu nuna ejetukminkiait? Shiir nawamnaikiar pujustin ejetukminiashit?

 Ju uwitin Copa Mundial najanmaka ayataik fútbol nakuramuchuiti. Nakuramunam derechos humanos tiniu ainiana nuna tura chikich aents chikich aents ainiana nuna tura kuitrincha ainiana nunasha aujmatin ainiawai.

 Ainis akuisha nukap aentska ashi nunkanmaya nakuruiniakuinkia iruntrar penker nankaamasminiaitji tu enentaimin ainiawai. Tumaitkiusha tukeka ainis iruntrar pujuchu ainiawai antsu ainis irunainiak ni itiur enentaimiainia tura uruku ainia nuna iniakmamainiak kajernain ainiawai. Yuusa chichamenka amuukatin nuntumsamunam ainis iniakmamsartinian aujmateawai (2 Timiutéun 3:1-5).

 Nekas iruntrar pujustin atatui Yuusa chichame ainis tawai. Yuusa chichamenka tawai Jesús uunt anaikiamu ekemas pujuttana nuinkia aentska iruntrar matsamsartatui tawai (Lucas 4:43 TNM; Mateo 6:10 TNM).

 Shiir nawamnaikiar matsamsarat tusa Jesús iwiarattawai. Yuusa chichame junis tawai:

•    “Ni akupeamu tsawantri̱ṉkia péṉkera túrin ainia nuka shiir matsamsartatui. Kame kashi nantu ekeemtiatna nui̱ṉkia ni péṉker akupeakui itit awajsachma tuke átatui” (Yus Kanta [Salmo] 72:7).

•    “Kame atsumak seamainiancha tura wáitkiasma yáiṉchamu pujuiniancha aṉkant awajsártatui”. “Wáitkiasmanumia̱sha tura ti yajauch awajkartinniumia̱sha uwemtikramnia asa aṉkant awajsártatui” (Yus Kanta [Salmo] 72:12, 14).

 Yamaiya juinkia Jesús unuikiarturmiania nuna nekaawar untsuri aents chikichkia aintsar iruntrar matsatainiawai. 239 países tura territorios timianai iruntrar pujuiniawai nuyasha kajernaitsuk matsatainiawai. Nu nukap nekaattsam Kajernaiyamu asakartai tana nu aujsata.