Julio 2022 uwitin ashi nunkanam nukap tsuer ajamiayi.

•    “China nunkanmanka ju nantutin tui tuinsha ti tsuer ajawai” (25 de julio 2022, servicio de noticias de la CNN).

•    “Europa nunkanmanka kampunniusha ti nukap esakarmai nuyasha ti tsuer ajamai” (17 de julio 2022, The Guardian).

•    “Tumintin Estados Unidosnum costa este tura sur nuya Medio Oeste nuninkia ti tsuer ajamai” (24 de julio 2022, The New York Times).

 Ainis ajaki weakuinkia ju nunkanmanka pujuschamnia atimpiash? Yuusa chichamesha warintiua?

 Yamai tsawantin ti tsuer ajana nuka Yuusa chichame tana aitkiasan nankaamawai. “Ashamai nankaama waintiatrume” Jesús ainis timiayi (Lucas 21:11 TNM). Ju nunkanam ti tsuer aja asamtai nukap aents ashamainiawai tura aentska ju nunkan emesrartatui tu enentaimiainiawai.

 Atsaa, Yuuska aents ju nunkanam tuke matsamsarat tusa najanamiayi (Yus Kanta [Salmo] 115:16; Eclesiastés 1:4 TNM). Ninkia aents ju nunkan emesrarat tusa iniaisashtatui antsu ju nunkan emesainiana nuna amuktatjai tawai (Apukarípsis 11:18).

 Yuus ju nunkan itiurkatta nuna tiniuana nu jimiar nekaatai:

•    “Kampuntin atsá ajasusha kame peṉké tsapachusha warana núnis ataksha tsapaktatui. Warí kampuntin atsuwa nuka kuku̱jia núnis kuku̱jruktatui” (Isayas 35:1). Yuuska ju nunkanka aents pujuschamnia ajasat tusa iniaisashtatui antsu ataksha penker iwiarattawai.

•    “Nuṉkasha wekaatusa iisam yumi yutumtikiam entsa ukatme túram tí peṉker awajsam shiir neremtikme” (Yus Kanta [Salmo] 65:9). Yuuska ju nunkan shiiram awajsattawai.

 Yuusa chichame ti tsuer ajattawai timiania nu imiatrusan yamai nankaamana nu nekaattsam ju aujsata: Ju nunka uruka nuna Yuusa chichame warintiua?

 Ju nunka iwiarnartatna nuna nekaattsam ju aujsata: Ya nunkancha iwiaratta?