Ashi nunkunam uunt naamkaru Rusia Ucraniajai maniawarain tusar chichampruiniakuisha 24 de febrero 2022 tsawamunam Rusia Ucranian mesetan najattan juarkimiai. Nu tumakui ashi nunkanmash wari itiurchat irunminiait? Naciones Unidasnum chichamprin António Guterres chichaak: “Untsuri aents waittsartatui, nukap emesramu atatui, tura Europanmasha nuya chikich nunkanmasha meset akui penker pujustin atsuttawai” timiai.

•   Yaunchuk Jesús etseruk, chikich chikich nunkanam “mániawartatui” timiayi (Matéu 24:7). Nuu chichamsha itiur uminia nu nekaattsam apach chichamjai “¿Cuál es la señal de ‘los últimos días’ o de ‘los tiempos finales’?” tu aarmana nusha aujsata.

•   Apocalipsis papiiniumka meset junin atatui tusa aents kawai kapaakunam eketka weana nujai apatak aujmateawai. Tura nuka “shiir pujuscharat tusa ashí jú̱ nuṉkanmaya̱ shuaran mánaimtikiatniun akupkámuyi” tawai (Apukarípsis 6:4). Nunanu nekaataj takumka apach chichamjai “¿Qué representan los jinetes del Apocalipsis?” tana nusha aujsata.

•   Yuus papiinium Daniel aarmarincha araakania uunt naamkan nuya nunkaania uunt naamkancha aujmateawai. Nu jimiara uunt naamkaruka tuke nemasnain artatui tawai (Daniel 11:25-45). Araakania uunt naamka tana nuka Rusia tura niin yayainiana au ainiawai. Urukamtai aintsaiti taji? Nu nekaattsam apach chichamjai El cumplimiento de la profecía de Daniel 11 tana nu video iista. a

•   Apocalipsis papiiniumka Armagedón tana nuu mesetnash aujmateawai. Turasha nuka Rusia Ucraniajai maninia nunischaiti. Antsu Armagedón mesetka Uunt Yuusna atatui tawai (Apocalipsis 16:14, 16 TNM). Nuu nukap nekaattsam apach chichamjai “¿Qué es el Armagedón?” tana nusha aujsata.

•   Yuusa chichamenka Yuus ashi nunkanam mesetan iniannaktatui tawai (Yus Kanta 46:9). Nuu nukap nekaattsam apach chichamjai “La esperanza real de un mañana mejor” tana nusha aujsata.

•   Jesuska ni unuiniamurin junisrum Yuus seatarum taku “Juisha uuntri ajastatmena nu tsawan jeati” tu titiarum timiayi (Matéu 6:9, 10 TNM). Jesús timia aintsan niin uunt ati tusa Yuus anaikiaiti, tura ashi nunkanam aents penker pujuarat tusam yainkiarta titiatui. Yuuska ashi nunkanam aents penker matsamiarat tusa wakera asa ainis turattawai. Nusha amincha itiur yainmakat? Nunanu nekaattsam Yuusa anáikiamurisha itiurkatta? tana nu video iista.

 Ucrania nunkanmanka testigos de Jehová 129.000 iniankas pujuiniawai. Testigos de Jehovatikia tui tuinsha pujakrisha política chichamnum tura mesetnumsha pachinchaitji. Nu turachkur Jesús jintinkratmia nu umiaji (Juaṉ 18:36). Nuyasha Yuusa anaikiamuri juu nunkanam ashi itiurchatan iwiarattawai tu “shiir chicham” ana nu etserniuitji (Matéu 24:14 TNM). Amesha nunanu nekaattsam wakerakmeka jui seamtia.