19 de mayo 2022 nui Consejo de Seguridad de las Naciones Unidas iruntramunam nukap uuntri etserainiak: COVID-19 sunkur aa asamtai tura chikich nunkanmasha yumi esatcha itiurchat irunu asamtai nukape nunkanam tsuka awai, tura yamaikia Ucranianam maaniniakui ashi nunkanam nuran ajattawai tiarmai. Nuyasha revista The Economist chichaak, Ucranianam meset akui ashi nunkanam tsuka ti itiurchat atatui tawai. Yuusa chichamencha amuukatin tsawan jeakui tsuka atatui tusa yaunchuk etserkamiayi. Tura iksan itiurkaria nuu itiurchatcha katsuntramniaitiaj nunasha jintintramji.

•    Jesús etseruk timiayi: “Uunt nuṉka mátsatkamu ainia nusha chíkich nuṉka mátsatkamuja̱i̱ tura akupáinia nusha chíkich akupáinia nuja̱i̱ mániawartatui. Tura ti tsukasha átatui” (Matéu 24:7). a

•    Apukarípsis papiiniumka 4 kawainium eketkar wena ainis jinkiartatui tawai. Nui kawai kapakunam eketka tana nuka meset iruntiatui tusa tawai. Tura nuna ukurin chikich kawai mukusanam eketka kijin nekapmatain takakun aujmateawai. Nuka tsuka atatna nuna iniakmamui. Nuyasha chichaak: “Tsawant takamtsuk takaakmesha apatkuka peṉké ishichik sumakmin átatme” tawai (Apukarípsis 6:5, 6). Nuka yurumak utsumnattawai tura yurumka akikrisha ti wakattawai tusa tawai.

 Yuusa chichame tana aintsan “amuukatin tsawan” jeakui nu turunawai (2 Timiutéun 3:1). Nunanu nekaattsam tura Apukarípsis papiiniumsha kawainium eketkar wenawai tana nunasha nekaattsam, video 1914 uwitin itiurchat ti nukap pampaarmiayi tana nu iista, nuyasha “¿Qué representan los jinetes del Apocalipsis?” tana nusha aujsata.

•    Itiurkaria itiurchat irunu katsuntramniaitiaj nuna Yuusa chichame jintintramji. Yurumak kuitchikcha ajasarmataisha tura tsuka akuisha Yuusa chichame yainmawitji. Nuna nekaattsam, apach chichamjai “Cómo vivir con menos” tana nusha aujsata.

•    Uruma nuinkia penker pujustin atatui Yuusa chichame turameaji. Ashi nunkanam yurumak nukap atatui tura aents taramkar matsamiartatui tawai (Yus Kanta 72:16). Nu nekasaiti tusar itiur nekaj? Nu nekaattsam, apach chichamjai “La esperanza real de un mañana mejor” tana nusha aujsata.