Uvalde naartinnium 24 de mayo 2022 uwitin ti itiurchat nankaamasmayi (Texas, Estados Unidos). Uchi unuimiatainiam Robb naartinnium aents ipiattain takaku taa ipiatar 19 uchin tura jimiara unuikiartinian maamai, ainis periódico The New York Times timiayi.

 Ainis ti itiurchat nukap yamaiya jui nankaamawai. Estados Unidosnum 1970 nuyainia juarki ainis nankaamaschaiti, chikich uwi nankaamasmania nuinkia 249 unuimiatainiam ipiatrarmayi, ainis periódico USA Today etserkamai.

 Urukamtai ainis ti itiurchat nankaama? Ainis ti itiurchat nankaamakuisha wari turakria katsuntramniaitiaj? Mankartuiniamu amukattawai tana nuka nekasaiti urukamtai timiniaitiaj? Nunaka Yuusa chichame nekaatniun yainmakminiaitji.

•    Amuukatin nuntumsamunam pujaji tawai Yuusa chichame nuyasha yamai pujajnia juinkia penke anenkratcha artatui tura aintsan ti kajen artatui tawai. Nu aentska ti yajauch ajaki wenawai (2 Timiutéun 3:1-5, 13). Nu nukap nekaattsam wakerakmeka Yamai tsawantin aents uruku artiniuya nuna Yuusa chichame timiashia? tana nu aujsata.

 Unuimiatainiam ipiatrar mankartuiniana nunasha urukamtai Yuus ainis nankaamasain tusa warinkisha turatsu? Nukape aents ainis enentaimiainiawai. Yuusa chichame warintiawak nu nekaattsam Aents penkersha urukamtai itiurchat nankaamau ainia? tana nu aujsata.

•    “Núnisaṉ ashí yaunchu Yus Papinium aarma iin jintintrámatniun áararmiayi. Nuja̱i̱ atsaṉtamkurin shiir wainkiattajnia nuka katsuntrar nákastatji” (Rúmanam 15:4).

 Ju nunkanam ti itiurchat amajkartuiniamu katsuntratniun Yuusa chichame yainmakminiaitji. Nu nukap nekaattsam ¡Despertad! papiinium Itiurchat amajkartuiniamu amuukatniuashit? tana nu aujsata.

 Uchi ainiana nuka warinkisha yajauch nankaamamun etserainiamun iiniak turutskesha antuiniak sapijmiainiawai. Uchirtiniaitkiumka nu ainis nankaamamun etserainiakui uchiram itiur yainminiaitiam nu nekaattsam wakerakmeka Chicham etserman uchi antuiniak urukin ainia? tana nu aujsata.

•    “Wáitkiasmanumia̱sha tura ti yajauch awajkartinniumia̱sha uwemtikramnia asa aṉkant awajsártatui” (Yus Kanta [Salmo] 72:14).

•    “Tura ni puya̱ri̱nkia pukuí arakmatia nútikruawar tura ni naṉkirí̱nkia arus tsupitiái̱ya nútikruawartatui. Nui̱ṉkia chíkich nuṉkanam pujuinia nu áentsja̱i̱ṉkia meset najanatniunka enentáimtuschartatui. Núnisaṉ mesetnum mánit unuimiátratniusha atsuttawai” (Mikías 4:3).

 Aentska turashminian Yuuska najanattawai. Yuuska Jesusan nayaimpiniam anaik ekentsaiti. Jesuska ipiattai irunna nuna tura itiurchat amajkartamuncha amuktatui. Itiura Jesussha nuna ainis turatta nu nekaattsam wakerakmeka Yuus anaikiamu shiir nawamnairar pujusarat tusa iwiarattawai tana nu aujsata.