Yamaikia testigos de Jehovatikia nuikjiaish nankamas tii untsuri papii Yuus papiinmaya najankamu takarjii tura videosh najankamu internetnum untsuri iirunui. Tumaitkiush ashi nunkanam ii yachi internetnan akikmaktinian jeainiatsui, chikichkia internettrin warichun takakainiash ainiawai. Maa penke takakchash ainiawai.

 Yamaikia ii yachi ii umai ainia nu internetchajain nukap papiin descarga ajasmin ainiawai. Nunash itiurkan turuinia?

 JW Box nuka iruntai jea ainia nui internetan takakcha turushkesh Internet warichun takakainia nui akupkamu ainiawai, nuka router naartiniaiti empresanmaya sumakaruiti. Nui init programa informático ana nunaka ii yachi Departamento de Computación de Betel najanawaruiti. Tura nuniash videos tura Yuus papiinmaya papiich najankamu irunna nuka jw.org tana nui irunui. Nu caja 75 dólares ainiawai.

 Iruntai jeanam ii yachi tura ii umai tablet tura celular takakmarin ju JW Box tana nujai internetnum enkemawar Yuus papiinmaya papiich najankamun tura videos najankamun descarga ajasmin ainiawai. Tura yaunchunia nuchajainkia tii kuitniachu ainia nujaisha nu cajajai conecta ajasmin aniawai. Tumaikiusha tuinsha iruntainiam internet takakainiachkuisha itiurkaria nu jw.org actualiza ajasminiaitiaj?. Tuke sucursalnumia iruntai jea ainia nui flash ainia nuna akupin ainiawai, nuinkia videos tura Yuus papiinmaya papiich najankamu aniankarman JW Boxnum enkema jusarat tusa turamuiti. Nuka 4 dólares aniawai.

 Nu JW Box ii yachi ii umaincha itiur yainkiaruit? Nathan Adruandra, República Democrática del Congo nunkanam pujana nu junis tawai: “Yaunchu video najankamun ‘Oh, Jehová, en ti confío’ tura Acuérdense de la esposa de Lot tana nuna descarga ajastinian tii wakerimiajai, tumaitkiusha penke tujinkiamiajai. Tii kuntuts nekapmiajai. Yamaikia teléfonorui videos najankamun descarga ajasminiaitjiai. Nu ii uchiri penker jintiatniunka yainmaji”.

 Ii yachi iruntai Nigerianmaya JW Box tana nuna instala ajastinia yaimin junis tawai: “Ii yachi tura ii umai JW Box instala ajajnia nunaka Jehová junaka amaji tu enentaimiainiawai. Yamaikia papii najankamun tura kit de enseñanza videos najatkamun yupichuch descarga ajasmin asar tii shir warainiawai”.

 1.700jaish iniankas JW Box ii yachi tura ii umai África tura Oceanía nunia Sudaméricanam pujuinia nui akupramuiti tura chikichniumsha aintsan akupnartin tamui. Nu najanattsarsha kuitcha tuinia jutain? Nuka ashi nunkanmaya ii yachi kuitia apujainia nuinia jutainti, nuka donate.pr418.com tana nui enketainti. Maaj tsanka asakrumin tii yuminmaji.