KUIT SUSARMAJAISH WARI ITIURNIUITIAJ?
Coronavirus atsai Yuusna jea jeamkatin amukma
1 DE NOVIEMBRE DE 2020
Tuke uwitin nukape aents imianainiawai tuma asamtai Jehová enentaimtutai jea utsumnawai. Nu utsumnakui departamentos locales de Diseño y Construcción ashi nunkanmania 2020tinkia Yuusna jea jeamtiai turutskesha iwiarkatai tusar 2.700 najanatniun tesarawarmai. a
Sunkur Coronavirus Yuusna takat najanachmin amajkaiti. Ii yachi sunkurmakarain tusar tura akupin tuinia nu umiktai tusar Comité de Publicación Testigos de Jehová takatrin irunturar chichamprin ainiana nu yamaikikia Yuusna takatka asati tiaruiti. 2020tin sunkurka taatsain 1.700 Yuusna jea najannamai. Tura Yuusna jea mesekaruncha iwiarkarmai nuyasha 100 takatan sucursalesnum najanawarmai. Nuna jimiarchik nekaawartai tura nuisha ii yachisha itiur pujuinia nusha nekaawartai.
Sucursal Camerunnum. Nu sucursalka yaunchuniuyi. Matsatkamu Duala naartiniam amai. Turasha nuka uuntchauyi tuma asamtai nukap iwiaratin amai. Comité de Publicación chichainiak: “Iwiaramniaitji tumaitkiusha sumakmajai iniankas kuitrinkia ajapamniaitji” tu tiarmai. “Nuyanchuka chikich nunka sumakar jeamminiaitji turutskesha jea sumakar iwiaramniaitji” tusha tiarmai. Turasha uminkiachmai.
Ii yachinkia Duala matsatkamunam arakaani akupin ainiaka carreteran Salón de Asambleas amunmani najanattsar pujuiniawai taman nekaawarmai. Nuni carretera jiiniakuinkia yupichuch nu sucursalnum jeamniuyi. Entsasha, luzsha turutskesha Internetkesha chikichcha warinsha takumniuyi. Nunanu sucursalnum utsumnamai. Ainis akui Testigos de Jehová takatrin irunturar chichamprinkia yamaram sucursalka Salón de Asambleasnum nunka ana nui jeamnati tiarmai.
Ii yachi, ii umai Camerún nunkanam sucursal jean najanainiak pujuiniawai
Nu jean jeamtiasar empresa de construccionkan seamiarmai. Nujai takat warik amunakmai. Kuitcha imianu ajapnashmai. Kuit timianu ajapnattawai timiasha ishichik kuitiak ajapnamai. Kuit dos millones juakmai. Coronavirus taatsain nu sucursalnumia yamaram sucursal najanawarmania nui pujuwarmai.
Camerún nunkanam sucursalnum Coronavirus taatsain Yuusna jea jeamkar tura iwiarkar amukma
Camerunnumia Betelitaska penkernum pujusar takakmainiawai. Tumainiak penker pujuiniawai. Yamaram sucursalnaka Jehová sukartusuiti tuiniawai. Ii yachi nuatka juna timiai: “Yamaikia nukap Yuusna takakmastasar wakeraji. Yuus sukartusmaka wasurkatniuka nakitiaji” tu timiai.
Coronavirus taatsain yamaram jea jeammianum takakmainiak pujuiniawai
Oficina Remota de Traducción tojolabal chichamjai (Mexiconam). Equipo de traducción tojolabal chichamjai chichainiaka sucursal de Centroamericanam México matsatkamu tutainiam jeastatuk takakmarmai. Tojolabal chichamka aya Municipios de Altamirano tura Las Margaritas tutainiam chichau ainiawai. Nuka 1.000 kilómetros sucursalnumianka ikiuki timianai awai. Nu chicham chichainiaka arant pujuinia asarmatai kajinmastatuk ajarmiayi. Nuyash nu chichamjai chichainia yaimkiatniush tura grabajastincha atsa asamtai itiurchat iyarmai.
RTOnam takatan najanainiak pujuiniawai
Comité de Redacción Testigos de Jehová takatrin irunturar chichamprin ainianumia nuna nekaawar tojolabal chichainia nui pujutarum tiarmai. Nui nu chichamjai takakmasarat tusar sucursalnumianka jean sumakar iwiararmai. Aitkiawar najanawaru asar jea jeamtinniash turutskesh oficinas ikiamsatniuncha kuitniaka ajapruacharmai.
Ii yachi tojolabal chichaman yapajin chichaak: “10 uwi sucursalnum takakmakun pujumaj nuinkia winia chichamprun chichainianka penkesha wainkiachmajai” timiayi. “Yamaikia tojolabal chichainiamunam puja asar tura kashi kashincha chicha asar yapajkiursha yupichuch yapajiainiaji” timiayi.
Oficina de Traducción tojolabal yaunchunia tura yamainia
2021tin Yuusna jea jeamkartin
2021tin takakmasmin akuinkia 75 oficinas traduccionna tura escuelas biblicasnasha iwiaratsar wakeraji. Nuyash sucursalnum 8 Yuusna jea jeamkatniush awai. Rámapo matsatkamunam Nueva Yorknum najannatniush awai. Sucursales Argentinanmaya, Italianmayasha chikichnium jeamkatniusha tesaramuiti. Yuus enentaimtutai jean 1.000 najankatniush irunui. Aya nukechuiti. 6.000 Yuusna enentaimtutai yamaram jea jeamkatniush irunui nuyasha 4.000 iwiaratniush irunui.
Wari kuitjainia nu jeancha jeamkaruit? Ii yachi Lázaro González sucursal de Centroamericanmaya timiayi: “Oficina de traducción tojolabal chichamnum jea najanatniuka sucursalka kuitniaka takuchmai. Ii yachi ashi nunkanmania kuitian apujainiachkuinkia nu jeanka jeamcharminiuyi. Nu kuit enkeamujai ii yachi chichaman yapajiainiawai nuya nu chichaman chichainia nui pujuwarat tusarsha akuppraitji. Ashi ii yachi arumna nuka tsankaitrume tuma asamtai yuminmaji”. Ashi Yuusna jea jeamkatniuka obra mundial tana nui kuit apujnasu asamtai jeamkamuiti. Chikichkia internetnum donate.pr418.com nui enkemawar timianu kuitian apujjai tiaruiti.
a Departamentos locales de Diseño y Construcción tu sucursalnuma pachitkiainia nui Yuus enentaimtutai jean najanawartiniaiti. Departamento Mundial de Diseño y Construcción Estados Unidos Warwicknum pujuinia nuka warimpia warichiksha najannatta tura itiurkara najanawartata nunaka ni tiniu ainiawai.