19 uwi nakasuiti. Ii yachisha warinia nakasuit? Bengalí chichamjai Traducción del Nuevo Mundo de las Escrituras Griegas Cristianas aarman takuttsa nakasuiti. Tura nukape aentscha nu papii takuttsar nakasuitji tuiniawai. Tumaitkiusha Yuus papii yapajiatsarsha itiurniuk ainia tatsurmeash.

 Chichaman yapajin ainiana nu iruntrar Comité de Redacción del Cuerpo Gobernante tana nuna imiatrusaran aitkia ainiawai. Nusha Yuus papii chikich chichamjai yapajiatniusha urutma tsawantak pujursamniait? Nicholas Ahladis Servicios de Traducción Warwicknum takakma turamaji: “Mash enentaimsatin awai: urutmak arat yapajiawartincha, yapajkiursha itiurchat wainkiatjiash tura aujainiasha yaunchu itiur matsamin armia nuna nekainiawash, nu chichamnak chichainiaksha, chikichnumsha niishatka chichainiatai nu nekaatin mash awai” timiayi. Aya Escrituras Griegas Cristianas chikich chichamnum yapajiainiakka chikichik uwi turutskesha menaintiu uwi aarar amu ainiawai. Tura Yuus papiin takamcha yapajiainiakka cuatro uwiksha turutskesha uwi iniankaskesha amu ainiawai. Uwijmiarar chichataijiai yapajiainiakka nukape uwi pujurin ainiawai.

 Yuus papii yapajiatsarkia wari chichama yapajiattaj nuna neka ainia utsumtainti. Nuna aujsartincha nuyansha utsumtainti. Tura chikich matsatkamunmaya ainiasha penkerashit nuna nekaawartincha utsumtainti. Ni junis aminiaiti tuiniakui paant, yupichuch yapajiamniaitji. Ii yachi Sudafricanmania yapajin ainian jintin timiayi: “Chichaman yapajin ainiaka Yuus papiikia Jehovanu asamtai penker yapajiatai, aujainiaksha penker aujsarat tusar nu enentaijiai yapajin ainiawai” timiayi.

 Yuus papii yapajmia amukamtainkia imprimiakar cuaderno anin amajkar amajtainti. Nu aitkiawartai tusarkia papii, tinta, papii pastarin aani initianisha nukuatin, pegamento, plata anin apujtustincha, cintasha, ajapen yakini tura nunkaanisha aparatin, cartón tsukintrin apujtustin papii tee amajsatniusha utsumtainti. 2019tinkia aya ju sumartiniak 20 millones kuit ajapruamji. Nu uwitinin ii yachinkia Yuus papiin imprimiakar akupkar amajainiakka 300 mil horas pujursarmai.

 Nu aitkiawartasarsha urukamtai tsawantcha iniankataint, kuitcha ajaprutaint? Joel Blue Departamento Internacional de Impresionnum takakma juna timiayi: “Yuus papiikia imia penker asamtai najankar sukartutainti”. Junash timiayi: “Nekaska Yuusan nekawarat tusar nuyasha Yuusna etsernakat tusar najankar sukartutainti” timiayi.

 Traducción del Nuevo Mundo papiin tunaamaru nekawartincha najannawai. Traducción del Nuevo Mundo 10 chichamnum braillenam najanaitji. Yuus papii braillenam najanatsarkia 8 horas pujurtainti. Nuka pee apujsamka 2,3 metros jiiniut ajawiti. Edición especial sepunam pujuinia aujsartincha aya papiijiain nukuamusha najanaitji.

 Traducción del Nuevo Mundo papiin aujainiaka ti shiir nekapainiawai. Congregación kiluba Tombe matsatkamuka (República Democrática del Congo) 1700 kilómetros uunt matsatkamunka ikiuki timianai awai. Nui ii yachikia Yuus papii kiluba chichamjai aarman chikichkiniak takuarmiayi. Nusha paant nekaachmin a wemiayi. 2018tin Traducción del Nuevo Mundo kiluba chichamjai aarma amukma sunasarmai. Yamaikia nu papiin mash takakainiawai.

 Ii umai aleman chichaman chicha ni chichamejai Traducción del Nuevo Mundo ataksha awena najatam timiayi: “Yamaikia Yuus papiin aujsatniuitjiai tu tatsujai ayataik urutain aujsatniuncha ankannasha takuttaj tu weajai” timiayi. Sepunam pujasha papiin aak timiayi: “Traducción del Nuevo Mundo najanamun surusarmai. Nu winia iwiaakmaruncha yapajtiawai. Wikia Yuusa chichamen nekataj tukama ajaujai. Antsu yamaikia penker nekajai. Testigo de Jehovanu nekaatsan wakerajai. Wari wisha itiurkamniaitiaj testigo anin atasna?” tu aaruyi.

 Traducción del Nuevo Mundo aujainiaka ti yuminmainiawai ju papiin najanawarat tusar kuitian apujainia asarmatai. Kuitkia obra mundial tana nui apujtainti donate.pr418.com nui jintiawai itiurtain kuit apujsatsar. Yuminkiajrume, ti tsankaitrume.