Aents Yuusa chichame unuiniartin juarkittsar video 4 takakeaji. Wariniuna aujmatainia? Etserkur wekajnia nuisha urukamtai nu video irunu iniakmasminiaitiaj?

• Urukamtai Yuus papii unuimiartiniaitiaj? (Juka esarmaiti). Nuna iisar aents Yuusan enentaimtin ainiaksha Yuusan enentaimtichu ainiaksha Yuusa chichamen nekaattsar wakerukarminiaiti. Ii iwiakmarin anintrusar nekaattsar wakerajnia nuna aujmateawai. Tura nuna Yuusa chichamenka paant jintinkratniuiti tusa iniakmawai. Amuak Yuusa chichame unuimiartasam wakerakmeka jutikiata tusa ujakrateawai.

• Urukamtai Yuus papii unuimiartiniaitiaj? Video nuna aujmatu esaram najanamua nunisaiti turasha sutamchik asamtai aents ankanchaitjiai takuisha iniaktusminiaitji.

• Yuusa chichame ii itiur unuikiartaj? Iijiai Yuusa chichamen unuimiartasar wakerukarat tusa najanamuiti. Yuusa chichame itiur unuikiartaj tura unuimiartasar warinia turawartiniait nuna jintinkrateawai.

• Amesha Yuusa chichame penker unuimiatrata. Aents unuimiatan juarainiak ju videon iisartiniaiti. Itiurkaria unuimiatrattaj tura papii Tuke iwiaaku tana nu wariniuna jintinkratea nuna iniakmawai. Papii Warasam tuke iwiaaku pujuttame - Yuusa chichame unuimiartai página 2 ju videon aujmateawai turasha folleto Warasam tuke iwiaaku pujuttame - Yuusa chichame unuimiartin juarkitiai tana nujai unuiniakrisha ju video iniaktusminiatji.

Ju video irunu yaksha iniaktustasar wakerakrikia turutskesh yaksha akuptuktasar wakerakrikia turamniaitji. Ju video wariniuna aujmatainia nu penker nekaar iniakmastin kajinmatkichartai.