Yamai tsawantainkia tui tuinsha ti uureawai, ti nasenteawai, yumisha nukap yutawai, nuyanchuka ti esat ajawai. Ainis itiurchat nankaamasmatainkia penker iruntrar yaimniuitji. Testigos de Jehová takatrin irunturar chichampruiniakui itiurchat akuinkia yaimkiarat tusar anairamu ashi nunkanam Betelnum iruntrar takakmau ainiawai.

Ninkia itiurchat ana nui uuntri anairamun wari utsumna tusar anintrin ainiawai. Ti nukap meserarmatai nui pujuinia ninki iwiaratniun tujintiainiakuinkia yaimkiarat tusar anairamuka wari utsumna nuna etserkarminiaiti, turutskesha warinia utsumainia nuna sumakar akuptukarminiaiti.

Ainis penker iruntrar takakmau ainiawai, tuma asar nankamsar nishaa nishaa takakma ainiatsui tura kuitniasha antar ajapcha ainiawai.

Itiurchatnum yaimkiarat tusar anairamuka urutma kuitiak utsumna tura urutma aentsuk yaimiuttsar weartiniait nuna iin ainiawai, nuyasha itiurkamniakitiaj tusar uunt naamkaruncha anintrusarminiaiti. Tuma asamtai itiurchat nankaamasmatainkia atumi enentaimmiarijiain yaimkiattsarum kuit ikiaunkairap tura warinsha akupkairap.

Anenkratin asar ii yachi ii umai itiurchat pujuiniana nusha itiurkaria yainkiarminiaitiaj? (Isr 13:16). Itiurchat pujuinia nu enentaimtusar tura ii yachi nin yayainiana nusha enentaimtusar Yuus seatiartiniaitji. Nuyasha ashi nunkanam Jehová takatri najannaki weti tusar kuit susamniaitji. Testigos de Jehová takatrin irunturar chichampruiniakui Betelnum uuntri anairamu kuit itiur umuchkiatniuit tura tuimpia nekassha utsumainia nuna imia penker neka ainiawai. Itiurchat ana nui yaimiuttsam wakerakmeka Solicitud de voluntario local de diseño y construcción (DC-50) tana nu aimkiata.

BRASILNUM ENTSA AMARKAMTAI TI ITIURCHAT AMAI TANA NU VIDEO IISAM JU ANINTRAMU AIMKIATA:

Nu itiurchatnum testigos de Jehová yaimkiarmania nu itiur iisum?