Tunaarintin asar yajauchia nu najanawaij tusar kakartiniaitji. Yajauchia nu najanawaij tusar kakachkurkia tunaa najanar Yuusainia kanakminiaitji. Nukap aents Yuusnaka enentaimtsuk nekaska jea takutniun tura yurumatniun, pushi sumaktinian nuna ti enentaimtin ainiawai. Tura chikichkia tsanirmainiawai (Rum 1:26, 27). Chikichkia shiir amajtusarat tusar chikich turuiniana aitkiasan turuiniawai (Jiin 23:2).

Ii ayashi wakeramu najanawaij tusar wari itiurkamniaitiaj? Yuusna nu tuke najanatai tusar kakartiniaitji (Mat 4:4). Nuyasha ii ayashi wakeramu najanawaij tusar Yuus seatniuitji. Urukamtai nusha turatniuitiaj? Yuuska ii nekas wari utsumaj nuna nekawai. Jehovaka ii wakerajnia nuna itiura amasminiaitiaj nuna nekawai (Ykan 37:4).

IWIAKMARAM PENKER WAINKIATA TANA NU VIDEO IISAM JUU ANINTRAMU CHIKICHKIMSAM AIMKIATA:

• Nukap aents urukamtai tsaankun mukunin ainia?

• Tsaank mukuneakrikia urukamniaitiaj?

• Tsaank tura tsaanku anin irunna nu mukunatniusha urukamtai yajauchit? (2Kur 7:1).

• Tsaankun mukunat tusa amainiakui wari timiniaitiam? Tsaank mukuneamu iniaisattsam wari itiurkatniuitiam?