Yuusa chichame unuimiainiana nuka Yuusa amikri ajastaj tuiniakka Yuus yainkiattawai tu enentaimsartiniaiti (Isr 11:6). Tuke iwiaaku nu papiijiai enentai eje ejet jintintiamniaitji. Nu papiiniumka Yuusa chichame paant aarma irunui, enentaimsat tusar anintrustincha irunui nuyasha nakumkamu tura videosha irunui. Penkera nuna najanin arat tusar jintiakrikia tura Yuusa amikri ajasarat tusar yayakrikia ii unuiniamurisha itiurchatan wainiainiaksha Yuusnaka iniaisachartatui (1Kur 3:12-15).

Nukap aents Yuusnaka wainkiachmin asar Yuusa amikrinkia ajaschamniaitji tu enentaimiainiawai. Tuma asamtai Yuusan nekaawar Yuuska nekas yainkratniuiti tu enentaimsarat tusar yainkiartiniaitji.

JEHOVAN UMIRKARAT TUSAM TUKE IWIAAKU TANA NU PAPIIJIAI JINTINTIAWARTA TANA NU VIDEO IISAM JUU ANINTRAMU CHIKICHKIMSAM AIMKIATA:

• Ii umai Yuusa chichame ni unuiniamurin unuiniartasa penker iwiarnaruiti urukamtai ainis taji?

• Isayas 41:10, 13 nuna aujas aujmattsat tusa ii umai warintia penker anintrusa?

• Video iis tura Yuusa chichamen aujsainia nuna nekaa Yuusa chichame unuiniasha urukaya?

Nukap aents Jesús ii tumashrin akikmakmiania nuna paant nekainiatsui (Kar 2:20). Tuma asamtai Jesús ii tumashrin akikmakmiania nuna paant nekaawarat tusar jintintiawartiniaitji.

JESUSAN UMIRKARAT TUSAM TUKE IWIAAKU TANA NU PAPIIJIAI JINTINTIAWARTA TANA NU VIDEO IISAM JUU ANINTRAMU CHIKICHKIMSAM AIMKIATA:

• Ii yachi ni unuiniamurin jintintiattsa penker iwiarnarai urukamtai ainis taji?

• “Nukap nekaata” tana nuniajaisha itiura jintintia?

• Yuusa chichame unuimiasha urukamtai Yuusan seatniuit?