Amuukatin tsawan nuntumsamtai aents yajauch nuya meset tura chikichcha itiurchat iruntiatui (Apu 6:4). Itiurkaria iwiarnarar pujustiniaitiaj?

• Yuus umirkattsam iwiarnarta. Jehová tana nu nuya ni anairamuri tuiniana nusha nekasaiti tu enentaimsattsam Yuusa chichame aujmateana nui enentaimsata (Neka 12:5; jr-S 125, 126 párrs. 23, 24). Yamaiya jui ii yachijiai turutskesh ii umaijiai ti nawamnaikiatniuitji (1Pit 4:7, 8).

• Wari utsumtiatam nu iwiaram takusta. Yurumak kaurchamnia irumprata. Jeeminin juaktatkumka itiur pujuttamna nui enentaimsata. Itiurchat akui tui wetatam nusha enentaimsata. Mochilanam warinsha enkeamu achiakkumka penkerash ainia tusam iista, tura mascarilla nuya kuitcha enkeata. Uuntri anairamu ainiana nuna telefonorisha takusta. Amesha aintsamek susata (Is 32:2, TNM; g17.5-S 3-7).

Itiurchat akui ju turata. Yuusna tuke najanata (Jir 1:10). Jeemin juakta (Mat 10:16). Ame achiakma chikichcha susata (Rum 12:13).

ITIURCHAT NANKAAMATSAIN IWIARNARAM PUJAMEK? TANA NU VIDEO IISAM JUU ANINTRAMU CHIKICHKIMSAM AIMKIATA:

• Itiurchat nankaamakui Jehová itiur yainmakminiaitiaj?

• Iwiarnarar pujustasar wari najanatniuitiaj?

• Chikichcha itiur yainminiaitiaj?