Jesuska aents nekarmiania nujai apatak jintinkratamiayi (Ruk 13:1-5). Amesha Yuusa chichame etserkum yamai nankaamana nuna aujmattsamniaitme. Yamaiya jui warinkish waitmaktin yupichuchichuana nuna aujmattsamniaitme, chikich nunkanmanka ti nasentak turutskesha ti uurak itiurchat nankaamana nuna aujmattsamniaitme. Drogan mukunainiana nuna aujmattsamniaitme turutskesha naamkaru pujuiniana nu penker yaimiainiachkui aents wajarar charaatum ajainiana nuna aujmatsamniaitme. Nuyasha enentaimsat tusam aniasta. Junis aniasminiaitme: Nusha tukeash ati? Nusha itiura iwiaramniait? Nuna Yuusa chichame aujmateana nu aujtusta. Aents nukap nekaattsa wakerakuinkia video iniaktusta turutskesha etserkattsar papii najanamu susata. Ii pujajnia nui Yuusa chichame etserkur enentai eje ejet etserkartai. Yuusa chichame etserkatai tusar warinkisha turawartai (1Kur 9:22, 23).

Ame pujamna nui aentscha wariniuna aujmattiasar wakerin ainia?