JEHOVÁ UMIRKARTAI
Uuntri ainiana nuka ni yachin ni umain yaintaj tu enentaimias takakmainiawai
Nukap aents naamkaru ainiana nuna imian enentaimtichu ainiawai. Nukap aents anaikiamu ainiana nuka anaikiamuitjai tusar aya niniunak enentaimsar najanawaruiti. Yaunchunia juarkim aents naamkaru ainiana nuka ainis turawaruiti (Mik 7:3). Jehová iruntramurinkia aintsachuiti. Uuntri ainiana nunaka ni yachin ni umain enentaimias najanawarat tusa Jehová unuiniararuiti (Istr 10:3; Mat 20:25, 26).
Uuntri ainiana nuka aents anaikiamu eketainiana nu aya niniunak enentaimin ainiana ainis ainiatsui. Jehovan anena asar tura ni yachin ni umain anena asar yainkratin ainiawai (Jṉ 21:16; 1Pit 5:1-3). Uuntri anaikiamu ainiana nuka Jesús timiania aitkiasan najanin ainiawai tura ni yachin ni umain Jehová iruntramurin warasar pujuarat tusar yainkratin ainiawai. Ni yachin ni umain tuke ikiakain ainiawai. Ni yachin ni umainkia warinkisha ti itiurchat nankaamasmatai turutskesha aya neachma ti jaakuisha yain ainiawai. Itiurchat nankaamakmeka uuntri ainiana nu junisan nankaamajai tusam warik ujakarta (Snt 5:14 TNM).
UUNTRI ANAIRAMU AINIANA NUKA PENKER WAITMAINIAJI TANA NU VIDEO IISAM JU ANINTRAMU CHIKICHKIMSAM AIMKIATA:
-
Uuntri yainkiaram Mariana urukamia?
-
Uuntri yainkiaram Elías urukamia?
-
Video iisam uuntri anairamu itiur yainkratainia nuna waritminiaitiam?