Penke ishichik taasai
1. Juu nunkanam shiir pujustin...
Maa, urukuk aminiait?
Nukap nui enentaimia⁀ajakum
enentaimin shiir nekaptiatme.
Nu nekasaiti takumka
amesha nui pujuttame.
Juu nunkanam shiir pujustin
penke ishichik taasai.
2. Juu nunka shiir ajasmanum
aa jiinkim iniamprattsam
numi uunt wajana nuinkia
michach ajamunam ekemsainme.
Ame jeemsha shiir jeamkam
warasam pujuttame.
Juu nunkanam shiir pujustin
penke ishichik taasai.
(NANKAIKIR NAMPESTIN)
Amikrumsha pujuartatui.
Ti shiir amajtamiartatui.
Najaimiaktin atsuttawai.
Itiurchatka wainkiashtatme.
3. Juu nunka shiir ajasmanum
penker aents iruntiatui.
Niijiai wainniairam pujakum
shiir yurumsuam kintiamtiatme.
Amee shuarjaish pujakum
chicham waincha atatme.
Juu nunkanam shiir pujustin
penke ishichik taasai.
(NANKAIKIR NAMPESTIN)
Jakatniusha⁀atsuttawai.
Aents jakaru nantainiakui
tsekenkim miniaksaram
wara warat ajattame.
4. Juu nunkanam shiir pujustin...
Nuka wait chichamchaiti.
Yuus Jehová chichakma nuka
timiatrusan uminkiattawai.
Nu nekasaiti takumka
mash katsuntki wetatme.
Juu nunkanam shiir pujustin
penke ishichik taasai.
