Juú tuakmanum irúntrartatna nu nekaawartin
ISHICHIK IRUNTRATNIUSHA ÁTATUI
ESCUELA PARA EVANGELIZADORES DEL REINO. Precursores ainiana nu, 23 uwí achiaku nuyánia juarki 65 uwí achiakutirmesha Yuusna nukap yaimkiattsarum wakérakrumka, domingo káshik iruntratin átatna nui ipiamuitrume. Tui tura urútma ekemsamunma átata nuka, tuakmanum etsérnaktatui.
JUÚ TUAKMANUM TAINIANA NU NEKAAWARTIN
EKEMSATNIUN IÍN. Tui ekemsamniaitiaj nuna iín ainia, ni yainmákartatui. Kunkuim tui aipsatniuit, itiurampa wekaasatniuit tura ekemtaisha yana ikiursamniaitiam nuna tura warínkisha turámainiakui mash antúrkarta.
EKEMTAI. Waitneasam aya áminiuk enentáimsaip. Tura ju nekatniuitme, aya amee shuarak, ame kunkuimiarmijiai taaruk, nuyá ámijiai Yuusa chichamen unuimia nuke ekemtainkia ikiursatniuitme. Ekemsashtitiatam ekemtainiam warínkish ikiukip.
IMIANNIARTIN ÁINIA. Imianniartin ainiaka, jintínkratin wajataiyana nui, naka eem ekemsarat tusar tesaramu átatui. Imianniairtinkia sábado káshik imianniartinian jintíntiamu juartsain eem ekemsartiniaiti. Japimiartinian nuyá imiantiasa pushin entsartinniasha itiartiniaiti.
KUIT ÁPUJEAMU. Tuakmanum átum pénkernum ekemsamniuram tusar, tuntuítiai nuyá videosha, áintsank warasar nankaamakur Jehovái nuuran weamkatniun yainkratkat tusar warínkish súmakur kuit ajapaitji. Ame kuit ápujeamuka tuakma nájanmanum warínsha akikmaktin írunna nuna tura Yuusa chichame etsérnaki wétinniash yáinmaji. Yaksha juú tuakmanum shiir enentáimias kuitjiai yaimkiatsa wakérakka, apach chichamjai caja de contribuciones tana nui enkeamniaiti. Kuit ápujearmena nui yumínmaji. Ashí Testigos de Jehová áinian iistasar warumchik naamkaru áinia, yamaiya jui Yuusna warínkish nájanma írunna nu, najánnaki weti tusarum, kuitjiai yaimia asakrumin, atumin yúminkiajrume turamearme.
WARÍNKISH MENKAAKA IKIUTAI. Warínkish tepaa wainkiamka, Warínkish Menkaaka Ikiutai tana nui ikiúta. Warínkish emenkákmeka, Warínkish Menkaaka Ikiutai tana nui weme anintruta. Tura áintsank uchi menkaaka wainkiarkia nui ikiutniuitji. Túmaitkiusha Warínkish Menkaaka Ikiutai tana nuka uchi iistin tusar najánachmaiti. Tuma asamtai waitneasrum uchiram ajapa iniaitsuk pénker iistarum tura ninki akúpkairap.
JAAKUR IMIATAI. Jaakur imiatai tana nuinkia AYA TI JAAKUR wetiniaitji.
YAIMKIATTSAR ANINTRUTAI. Tuakma nájaneajnia nui warínmansha yaimkiatsam wakérakmeka, Yaimkiatasar Anintrutai tana nui weme anintruta.
Ashí Testigos de Jehová áinian iistasar warumchik naamkaru áinia tuakma ati tusa chichamprukaruiti
