Juú tuakmanum tainiana nu nekaawartin
EKEMSATNIUN IÍN. Tui ekemsamniaitiam nuna iin ainia nu yainmákartatui. Kunkuim tui aipsatniuit, itiurampa wekaasatniuit tura ekemtaisha ya ikiursamniaitiam tura warínkisha turámainiakui mash antúrkarta.
IMIANIARTIN AINIA. Imiániartin áiniaka, jintínkratin wajatáiyana nui, naka eem ekémsarat tusar tesaramu átatui. Imiániairtinkia sábado kashik imiániairtinian jintíntiamu juartsain eem ekemsartiniaiti. Japimiártinian nuyá imiani pushín entsártinniasha itiartiniaiti.
KUIT ENKEAMU. Tuakmanum atum pénkernum ekemsamniuram tusar, tuntuítiai nuyá videosha, aintsank warasar nankaamakur Jehovái nuuran weamkatniun yainkratkat tusar warinkish súmakur kuit ajapaitji. Ame kuit ápujeamuka tuakma nájanmanum warinsha akikmaktin írunna nuna tura Yuusa chichame etsérnaki wétinniash yáinmaji. Yaksha juú tuakmanum shiir enentaimias kuitjiai yaimkiatsa wakérakka, apách chichamjai caja de contribuciones tana nui enkeamniaiti. Kuit ápujearmena nui yumínmaji. Testigos de Jehová takatrín chichamprin ainia, yamaiya jui Yuusna warinkish nájanma írunna nu, najánnaki weti tusarum, kuitjiai yaimia asákrumin, mashi yumínkramrume.
JAAKUR IMIATAI. Jaakur imiatai tana nuinkia AYA TI JAAKUR wetiniaitji.
WARINKISH MENKAAKA IKIUTAI. Warinkish tepaa wainkiamka, Warinkish Menkaaka Ikiutai tana nui ikiuta. Warinkish emenkákmeka, Warinkish Menkaaka Ikiutai tana nui weme anintruta. Tura aintsank uchi menkaaka wainkiarkia nui ikiutniuitji. Túmaitkiusha Warinkish Menkaaka Ikiutai tana nuka uchi iistin tusar najánachmaiti. Tuma asamtai waitneasrum uchiram ajapa iniaitsuk pénker iistarum tura ninki akúpkairap.
EKEMTAI. Waitneasam aya áminiuk enentaimsaip. Tura ju nekatniuitme, aya ámijiai taaruk, ame kunkuimiarmijiai taaruk, nuyá ámijiai Yuusa chichamen unuimia nuke ekemtainkia ikiursatniuitme. Ekemsashtitiatam ekemtainiam warinkish ikiukíp.
YAÍMKIATTSAR ANINTRUTAI. Tuakma nájaneajnia nui warínmansha yaímkiattsam wakérakmeka, Yaímkiatasar Anintrutai tana nui weme anintruta.
ISHICHIK IRUNTRATNIUSHA ÁTATUI
ESCUELA PARA EVANGELIZADORES DEL REINO. Precursores áiniana nu, 23 uwí achiaku nuyania juarki 65 uwí achiakutirmesha Yuusna nukap yaimkiattsarum wakérakrumka, domingo kashik irúntratin átatna nui ipiamuitrume. Tui tura urutma ekemsamunma átata nuka, tuakmanum etsérnaktatui.
Testigos de Jehová takatrín chichamprin ainia nuka juú tuakman najánawarat tusar iwiáraruiti.
