EKEMSATNIUN IIN. Tui ekemsamniaitiam nuna iin ainia nu yainmakartatui. Kunkuim tui aipsatniuit, itiurampa wekasatniuit tura ekemtaisha ya ikiursamniaitiam tura warinkisha turamainiakui mash anturkarta.

IMIANIARTIN AINIA. Imianiartin ainiaka, jintinkratin wajataiyana nui, naka eem ekemsarat tusar tesaramu atatui. Imianiartinkia sawartin kashik imianiartinian jintintiamu juartsain eem ekemsartiniaiti. Japimiartinian nuya imiani pushin entsartinniasha itiartiniaiti.

KUIT ENKEAMU. Tuakmanum atum penkernum ekemsamniuram tusar, tuntuitiai nuya videosha, aintsan warasar nankaamakur Jehovai nuran weamkatniun yainkratkat tusar warinkish sumakur kuit ajapaitji. Ame kuit apujeamuka tuakma najanmanum warinsha akikmaktin irunna nuna tura Yuusa chichame etsernaki wetinniash yainmaji. Yaksha ju tuakmanum shiir enentaimias kuitjiai yaimkiattsa wakerakka, apach chichamjai caja de contribuciones tana nui enkeamniaiti. Nuyasha internetnum donate.pr418.com nui enkema kuitian apujsamniaiti. Kuit apujearmena nui yuminmaji. Testigos de Jehová takatrin chichamprin ainia, yamaiya jui Yuusna warinkish najanma irunna nu, najannaki weti tusarum, kuitjiai yaimia asakrumin, mashi yuminsajrume turamprume.

JAAKUR IIMIATAI. Jaakur iimiatai tana nuinkia aya ti jaakur wetiniaitji.

WARINKISH MENKAAKA IKIUTAI. Warinkish tepaa wainkiamka, Warinkish menkaaka ikiutai tana nui ikiuta. Warinkish emenkakmeka, Warinkish menkaaka ikiutai tana nui weme anintruta. Tura aintsan uchi menkaaka wainkiarkia nui ikiutniuitji. Tumaitkiusha Warinkish menkaaka ikiutai tana nuka uchi iistin tusar najanachmaiti. Tuma asamtai waitneasrum uchiram ajapa iniaitsuk penker iistarum tura ninki akupkairap.

EKEMTAI. Waitneasam aya aminiuk enentaimsaip. Tura ju nekatniuitme, aya amijiai taaruk, ame kunkuimiarmijiai taaruk, nuya amijiai Yuusa chichamen unuimia nuke ekemtainkia ikiursatniuitme. Ekemsashtitiatam ekemtainiam warinkish ikiukip.

YAIMKIATTSAR ANINTRUTAI. Tuakma najaneajnia nui warinmansha yaimkiattsam wakerakmeka, Yaimkiatasar anintrutai tana nui weme anintruta.