Yamaikia juú papií unuimiatram amukume. Testigos de Jehovati pénker iruntrar Jehová wakéramu umíreajnia nu nekaame. Juú papií unuimiatram, yamaiya jui aya Testigos de Jehovák Yuús wakérana nuna umirin áiniawapi, tu enentaímsachumeash. Tura yamaikia Jehovanu unuimiatkim wetá. Núnisam, nekakim wéamna nu ameé shuar, ame amikrum áiniana nusha ujakarta. Amesha ii irúntairin tuke ta wetá (Israernum [Hebreos] 10:23-25).

Yuús Papií tawai: “Yus emka in anenma asakrin iisha Nii aneaji” (1 Juaṉ 4:8-10, 19). Amesha Jehovanu nukap unuimiatkim wéakmeka, Jehová anénmana nu nekaáttame. Nu nekaám, Jehová anéakum warí túratniuitiam? Tuit yajauchia, tuit pénkera nuna Jehová túramkui tímiatrusmek umírkatniuitme. Tura Testigos de Jehová Yuusa wakéramurin najánainiana núnismek túrattsam kakaártiniaitme. Nu túratniunka amin unuítiamna nu yainmáktatui. Yuusa chichame tawai: “Yuús anentma asákrumin niíyanka kanakairap. [...] Nuyasha tuke iwiaaku pujúttajapi tu enentaimki wetarum” (Judas 21, Traducción del Nuevo Mundo). Ameé shuarmijiai nu túrakrumka atumsha tuke iwiaaku pujúmniaitrume.

Jehovanu unuimiatkim wéakum, ni wakérana nuke umirkím wetá. Túrakum ni amikrí ajástatme. Nu túrattsam, Yuús anentít takumka tuke umirín atá [Continúe en el amor de Dios] tana nu papiisha unuimiátramniaitme.