Aránt pujákrisha, yumi yútakuisha, itiurchat pujákrisha, tura takatnumia pimpikí tarisha, irúntainmanka penkesha támchaitji. Urúkamtai núnisrisha túriniaitiaj?

Itiurchat pujákrisha katsuntratai tunaíniaitji. Tuke irúntratniuitji tusa apóstol Pablo junis tímiayi: “Péṉker anenain tura péṉker túrin ajasartai tusar mai yainiaikiartiniaitji” (Israernum [Hebreos] 10:24). Amesha Yuús umirkattsam itiurkamea kakáwitiam tusar, ii yachí, ii umaí, irúntainiam aníntriniaitji. Nu túrakur itiurchat pujákrisha Yuús umirkír wéarmi tusar mai yainiai ajáwitji.

Mai náwamnai ajakur nekás amikrí amajnaíniaitji. Yaínsha tura tuinsha iruntrar warasar nankaámawitji. Túrakur shiir amajnaíniaitji. Ii yachí, ii umaisha, warínmanksha itiurchat nankaámainiakui tura waítiainiakuisha nekás ii amikrí ásarmatai wárichik yainiaíniaitji. (Karaseanam [Gálatas] 6:10). Yuusa chichame tana aintsank: “Aya áminiuk enentáimtutsuk chikichan yáiṉtaj tu enentáimsatarum” (1 Pítiur 3:8).

Testigos de Jehová áiniana nuna amikrí ajásminiaitme. Tura ni irúntairin weep turámainiakuish iniaisaip.

• Testigos de Jehová ni irúntairincha itiúr amajnaín ainia?

• Ii irúntairin winittsam wakéramek?