Ashí nunkanam Testigos de Jehová mátsatkamuri Betel tútaiya nuinkia Yuusa chichame etsérnaki weti tusar takákmainiawai. Nuinkia papií najántainiam takákmainiasha, papiín irumprar takákmainiasha tura warinkish antúktinian najánniusha nuyá video najánniusha irúnniuiti.

Testigos de Jehová mátsatkamurin wainniusha íruneawai. Testigos de Jehová takatrín irúnturar chichámprinkia, Testigos de Jehová mátsatkamurin wainin arat tusar uunt tsamakarun újumchiniak anáin áiniawai. Nuú anáiramuka nii pujuíniana nuú nunkanam Testigos de Jehová itiúr Yuusa takatrín najánainia nuna, itiúrchatkesh ákuinkia Testigos de Jehová takatrín irúnturar chichámprinian ujáu áiniawai. Ujakaram nuna nekaawar, warí papií jiinkittia nuna, irúntramunam tura untsurí tuakmánumsha wariniak jintínkratawarat nuna chichamprin áiniawai. Yuús Papií tawai: “Nékainiana nuna aníntrutsuk takákmainiakuinkia aentska waitin áiniawai. Antsu untsurín aníntrusar takákmainiakka pénker najanin áiniawai” (Proverbios 11:14). Ainis asamtai, Testigos de Jehová takatrín irúnturar chichámprinkia chikich nunkanam Testigos de Jehová mátsatkamurin wainin ainian, takatán pénker najánatniun jintintiáwarat tusar uunt tsamakún akuptin áiniawai. Nui jeanka Testigos de Jehová nuú nunkanam pujuinian máshiniu Yuusa chichámejai jintiá ikiakár ikiúwiti.

Nukap yaimin áiniawai. Testigos de Jehová mátsatkamurin takákmainiaka, ni yachí, ni umaí, aránt pujuíniancha pénker iruntrar Yuusnan takákmasarat tusar iístinian anáiramu íruneawai. Precursores etsérainian, chikich nunkanam akupkamu etsérainiancha, tura ni yachín ni umaín wekatús iiyaíniancha itiurak takakma tusar iin áiniawai. Chíkichkia ni yachí, ni umaí, aránt pujuinia tui irúntrartiniait nuna iincha íruneawai. Untsurí tuakártinian chichamprin, tura Testigos de Jehová irúntairin jeámkatniuncha chichamprin íruneawai. Chíkichkia Testigos de Jehová irúntramurin papií najánkamun akuptin áiniawai. Yuusa chichame 1 Corintios 14:33 Traducción del Nuevo Mundo [NM] najánamu tawai: “Yuuska nánkamas túrichuiti”. Tuma asamtai, Testigos de Jehová mátsatkamurin takákmainia yáimiainiakui, ni yachí, ni umaí, aránt pujuíniasha pénker iruntrar Yuusa chichamen etserin áiniawai (1 Corintios 14:40, NM).

• Testigos de Jehová mátsatkamurin wainin arat tusar anáiramusha Yuusna takákmamun yana ujakártiniait?

• Testigos de Jehová mátsatkamurin pujuíniasha warinma takákmainia?