Yuús juú nunka shiiram ajasmanum nawámnairar warasár tuke pujusarat tusa wakérawai.

Tura juní enentáimtsumeash: nusha itiurak túrunat? Yuús Papií tawai: Jesuska akupín anáikiamu asa Yuús wakéramun umíktatui. Nuú akupín, ashí aentsun yainkiártatna nuna nekaáwarat tusa Yuús wakérawai (Mateu 6:9, 10; Apukarípsis 12:10).

Yuús yaínkratkattsa wakérawai.

Apa ni uchirín pénker pujusarat tusa wakérana aintsank, Yuussha tuke warasár pujusarat tusa wakérawai (Sántiak 1:25). Yuús Papií tawai: ‘Yuús akúpeana nuna túrakka tuke iwiaaku pujústinian wainkiáttawai’ (Rúkas [Lucas] 18:29-30).

Yuuska umirtúkarat tusa wakériniaiti.

Yuuska umirtúkarat tusa jintínkratniuiti (Isaías 2:2, 3). ‘Yuuska winia naarun tákaku arat tusa ni irúntramurin najánaiti’ (Hechos 15:14, Traducción del Nuevo Mundo). Yuusa irúntramurin páchitkiainiaka Yuusa naarin pachís etserin áiniawai.

Yuuska shiir amajnainiak métekrak iruntrar enentáimtursarat tusa wakérawai.

Yuusan nekás umirín áiniana nuka, ashí nunkánmaya áiniayat kajernaitsuk mai ánenai awajnaín áiniawai (Juaṉ 13:35). Ainí iniákmamsarat tusasha ya jintín ainia? Juú papií aujkum nu nekaáttame.