KRISTU AENTS AJASARAT TUSAM YAINTA
AKANKAMU 10
Nekas yaintin wakeritia
Yuusa chichame jintinkratma: “Iisha ti shiir aneajrume. Tuma asar Yus Chicham ujaktai tusar ti wakerukmaji. Tura aya ujakar iniaisatin wakerukchamji. Antsu ii jákatniuitkiursha iniaisacha̱a̱ji, atumín ti anea asari” (1 Tis. 2:8).
Jesús warinia turamia
1. VIDEO iista turutskesh Juaṉ 3:1, 2 aujsata. Turam ju anintramu aimkiata:
-
Nicodemo urukamtai Jesusan kashi aujsattsa werimia? (Juaṉ 12:42, 43 aujsata).
-
Jesús Yuusa chichamen tuke etserkatniun wakeriniuyayi urukamtai taji?
Jesús turamia nuna wari nekaamniaitiaj?
2. Aents anena asar Kristu aents ajasarat tusar yaintasar wakeraji.
Jesusa aintsamek najanata
3. Urutma ekemsamunma tura tui unuimiartasa wakera nui unuiniarta. Wari tsawantinia tura urutma ekemsamunma unuimiartasa wakera? Tuimpia unuimiatuk penker nekapminiait: ni jeeniash, ni takatriniash turutskesha tuinsha wakerimniashit? Ame unuiniamuram urutainia turutskesha tui unuimiartasa wakera nui unuiniarta.
4. Ame unuiniamuram tuke unuinia weta. Pujushtatkumka unuiniatsuk iniaisaip. Ju turamniakaitiam?
5. Ame unuiniamuram penker enentaimtiksam Yuus seata. Ame unuiniamuram yaintasam wakeramna nu kajinmatkij tusam Jehová seata. Ame unuiniamuram tuke atsakamutin unuimiachkuinkia turutskesha unuimiana nuna umiachkuinkia ainis Yuus seatniuitme (Jir. 2:12, 13). Ame unuiniamurminiu aya penkerin iirsattsam Jehová seata.
