AUJMATTSATIN JUARKITIA
AKANKAMU 6
Sapijmiachu ata
Yuusa chichame jintinkratma: “Yuus yainmakrin kakaram ajasar atum nekaak tusar shiir chicham etserkamji” (1 Tes. 2:2 TNM).
Jesús warinia turamia
1. VIDEO iista turutskesh Rúkas 19:1-7 aujsata. Turam ju anintramu aimkiata:
Jesús turamia nuna wari nekaamniaitiaj?
2. Ashi aents Yuusa chichame ujaktai tusar sapijmiachu atiniaitji.
Jesusa aintsamek najanata
3. Jehová yainkiattawai tu enentaimsata. Yuusa kakarmari yayam Jesús Yuusa chichamen kakar etserkamiayi. Iincha aintsan Yuusa kakarmari yainmakrin Yuusa chichame etserkamniaitji (Mat. 10:19, 20; Ruk. 4:18). Yaksha aujsatin sapijmiakmeka sapijmiatsuk etserkatniun Jehová yainmakat tusam seata (Tur. 4:29).
4. Chikich aents yajauchi enentaimtip. Aents uruku ainia nu iiyakur nuyanchuka kuitrintin turutskesha kuitrincha ainiakui, Yuusan umircha asarmatai tura chikich religionnum pachitkia asarmatai Yuusa chichame ujaktin itiurchat aminiaiti. Tumaitkiusha jui enentaimsata:
-
Aya Jehová Jesusjai aents nekassha uruku ainia nuna neka ainiawai.
-
Nu aentsnaka Jehová yainchamniaiti tu enentaimsashtiniaitji.
5. Sapijmiachu tura anermak ata (Mat. 10:16). Arankartin ata tura yajainsha jianaikiaip. Aents antuktinian nakitiakuinkia turutskesha itiurchat amajtamsarmin aini nekaamamka arantamujai timi ikiukiarta (Neka. 17:14).
