AKANKAMU 03
Yuus papiinium aarma ana nu nekasashit?
Yuus papiiniumka ukunmatai turunatin aarma irunui nuyasha nukap jintinkratma nekaamniaitji. Yuusa chichame wariniak unuikiarta tu enentaimtsumeash. Yaunchunia papiitkiusha nui tana nu nekasash uminkiamniait tura nui jintinkrateana nu nekasash yainmakminiaitiaj? Yamaiya jui, uruma nuisha warasar pujumniaitji tusa Yuus papii aujmateana nu nekasashit? Nukap aents nuka nekasaiti tuiniawai. Urukamtai ainis enentaimiainia nu nekaata.
1. Yuus papiinium aujmateana nu nekasan turunamia?
Yuus papiinium aujmateana nuka imia nekasaiti (Juaṉ 17:17). Nekas turunamun aujmateawai tura aentscha nekas pujuarmia nuna aujmateawai (Rúkas 1:3; 3:1, 2 aujsata). Yaunchu nankaamasun nekaatasar unuimiainiana nusha, urutai turunamia, ya aentsua pujuarmia, tui turunamia nuna Yuusa chichame tana aitkiasan tiaruiti.
2. Yuus papiiniam aujmateana nu nekasashit?
Yuus papiikia yaunchunia juarkin warinkisha iinkia etserkaiti. Yaki tura nunka irunna nuna aujmateawai. Yaunchukka nunaka nukap aents nankamas jintintin armiayi. Tumaitkiusha yaki tura nunka irunna nuna unuimiatra tuinia aintsan Yuus papiish tawai. Nui aarma iruneana nuka tuke ti nekas ainiawai (Yus Kanta [Salmo] 119:86).
3. Uruma nui turunatniun Yuusa chichame aujmateana nuka nekas turunattawai urukamtai tu enentaimiaj?
Yuusa chichamenka ukunam turunatniun ti yaunchuyan etserkaiti (Isayas 46:10). Yaunchuk turunamia nunasha iinkia timiatrusan etserkamiayi. Yamaiya jui wari nankaamastiniuya nunasha chikichkimias etserkamiayi. Yaunchuk turunamu tura yamai turunatniun Yuus papiinium aarma irunna nuna ju akankamunam nekaattaji. Nuin aarma irunna nuka ti penker nekaattame.
PENKER NEKAATAI
Nunka unuimiatra tuiniana aintsan Yuus papiisha tana nu nekaatai tura ukunam turunatin aarmasha itiura timiatrusan uminkiamia nusha nekaatai.
4. Nunka unuimiatra tuiniana aitkiasan Yuusa chichamesha tawai
Yaunchukka untsuri aents nunkaka warinmansha awamas awai tiniu armiayi. VIDEO iistarum.
Job papii aarmaka 3.500 uwi nankaamasuiti. Nui aujmateana nu nekaata. Job 26:7 TNM aujsarum juna aujmattsatarum:
-
Nunkaka aya nanateawai tana nuna amesha warintinmek?
Entsa urukniuit nuna 200 uwi nankaamasu ai aentska nekaawarmiayi. Tumaitkiusha nuna nekainiatsain Yuus papiinium yaunchuk aarma amia nu nekaata. Job 36:27, 28 TNM aujsarum juna aujmattsatarum:
-
Entsa urukniuit nuna Yuus papiinium aujmateana nuna amesha warintia enentaimiam?
-
Yuus papiinium aujsamna nui enentaimsam Yuusa chichame tana nuka nekasaiti tamek?
5. Yaunchuk turunamiania nunasha Yuusa chichame timiayi
Isaías 44:27-45:2 TNM aujsarum juna aujmattsatarum:
-
Babilonia amuukatin 200 uwi taasmanum Yuusa chichame waritmia?
Persianmaya uunt anaikiamu Ciro naartin ni suntarijiai Babilonian enkemtuawar amukarmiayi. Jesús akiniatin 540 uwi taasmanum nuka turunamiayash tumainti. Babilonianmaya aentska entsa tentakmanum pujuinia asarmatai Persianmaya suntar nu entsan ukuniawar yajaani akupkarmiayi, tura waiti uraimiu asamtai maanitsuk enkemawar Babilonian amukarmiayi. Nu turunamuka 2.500 uwi nankaamasuiti tura Babilonia irutkamuka tsai tsai amajsamu juakuiti. Yamaikia Yuusa chichame waritmia nu nekaata.
Isayas 13:19, 20 aujsarum juna aujmattsatarum:
-
Ju chichamsha timiatruskek uminkiamia, amesha waritmea?
Irak nunkanam Babilonia junis juakuiti
6. Yamai turunatniuncha Yuusa chichame timiayi
Yuus papiiniumka amuukatin nuntumsamunam ti itiurchat atatui tawai (2 Timiutéun 3:1). Yamai tsawantin wari turunatniuya nu nekaata.
Matéu 24:6, 7 aujsarum juna aujmattsatarum:
-
Yuusa chichamesha amuukatin nuntumsamunam wari turunattawai timia?
2 Timiutéun 3:1-5 aujsarum juna aujmattsatarum:
-
Yuusa chichamesha amuukatin nuntumsamunam aents uruku artatui timia?
-
Yamaiya jui aents ainis ainiawak, amesha waritmea?
CHIKICHKIA JUNIS TINIU AINIAWAI: Yuusa chichamenka aents aararuiti.
-
Wari urukamtai Yuus papiinium tana nuka nekasaiti tame?
WARI NEKAAM
Yaki, nunka irunna nuna unuimiatin tuiniana aitkiasan Yuus papiisha tawai. Yaunchuk nankaamasu nekaar tura yamai nankaamana nu iiyakur Yuus papiinium aarmaka nekasaiti timiniaitji.
Awakeasrik nekaatin
-
Yuus papiinium aujmateana nusha nekasan turunamia?
-
Nunkan unuimiatin ainiasha Yuus papii tana aitkiasan warinia nekaawaruit?
-
Yuusa chichamesha uruma nui turunatniun aujmatuk nekas turunatniun tiniuashit? Urukamtai ainis tame?
NUKAP NEKAATA
Yuus papiinium aujmateana nu nekasashit?
Yaki tura nunka unuimiatra tuinia aintsan Yuus papiish tawak? (jw.org nui aarma irunu)
Amuukatin nuntumsamunam pujajiash?
Yuus papiinium aarmaka timiatrusan uminniawai (La Atalaya, 1 de mayo 2011)
Matsatkamu Grecia urukatniuya nuna Yuus papii aujmateana nu nekaata.
Yuusa chichamen yaunchu etserkarmia nu nekasaiti taji (5:22)
Aents Yuusa chichamenka imiancha ainis iiniaitiat ukunam turunatin uminkian neka itiur enentaimsamia nu nekaata.
Yuuska atsawai tu enentaimniuyajai (La Atalaya, núm. 5 2017)
