AKANKAMU 20
Jintinkrata amuakur kajinmatkiarain tusar ataksha awakeki jintiatin
Eclesiastés 12:13, 14
ITIURKATTAM? Jintinkratania nuka nekasaiti tinia umiktajai tu enentaimsamnia jintiata.
JUTIKIAM NAJANATA:
-
Jintinkratamna nu amuktasam ataksha awakekim aujmattsata. Wari aujmattsam nuna kajinmatkiarain tusam ataksha awakekim jintiata.
-
Jintinkratania nuna umiktajai tu enentaimtikrarta. Urukamtai umikiartiniait nu jintiawarta. Jintiakmesha paant nekaamnia jintiawarta.
-
Amuakmeka paant nekamnia jintiam amukta. Jintiakmesha chikich enentai pachiram jintiawaraip. Amuakmeka ujumchik chichakam amukta. Tura nekasapitia tu enentaimsarat tusam paant nekamnia jintiam amukta.
