Imiatrusan aarmana nunia jintiata. Jintinkratkumka Yuus chichamnumia aujmattsata tura Yuus Papii aujtusminiaitkiumka aujtusta. Nunkanun unuimiatin ainiana nuna aujmatkumka, chicham etserkamu turutskesha warinkish nankamasu aujmatkumka ekesmek aujmattsaip yamai nankamasuana nuke aujmattsata.

Chikich papiinmayasha penker jintinkratata. Yuus papiiniumia jintinkratkumka warinia aujmatea nu imiatrusmek jintinkratata. Tura Testigos de Jehová esetar enentaimias Jesusna takarin ainiana nu, papii Yuusna najankamusha timiatrusmek jintinkratata (Mat. 24:45, TNM ). Chikich papiinmaya aarma aujmatkumsha timiatrusmek jintinkratata.

Nekasapitia tu enentaimsat tusam paant jintiata. Aents Yuus Papii aujtusam amikiam nekasapitia tu enentaimsat tusam aniasta turutskesha warijiainsha apatkam aujmattsata.