Testigos de Jehová takatrin irunturar chichamprin ainia chichaman aararuiti
‘Atumka mash nekaa asarum’ penker unuiniartiniaitrume (Isr. [Heb.] 5:12). Jehovaka ti penker unuikiartiniaiti. Tuma asa chikich aentsnasha niiniun jintiawarat tusa wakeriniaiti. Tura amee shuarsha Yuusna penker jintintiatniuitme. Etserkumsha penker etserkatniuitme, tura iruntramunmasha Jehová chichame penker jintiatniuitme.
Yuus papiinium Pablo, Timoteon timiayi: “Yus-Chicham áujeakum shuar jintintiata”. Tura aintsank junasha timiayi: “Nu túrakmeka uwemprattame amesha tura ujainiam nusha uwemtikrattame” (1 Tim. 4:13, 16). Yuusa chichame etsermajai aents uwemprartatui. Ju papiinium tana nu timiatrusmek najankumka penker aujin atatme tura penker unuikiartin atatme. Nusha itiurkaria turatniuit nu, jui nekaata.
Yuusa Chichame nakumkamu ana nui, Yuus Papii aarma nu aujsam nekaata.
Jehovaka “ti penker unuikiartiniaiti” (Isa. 30:20). Juu papiiniumka penker aujin atin tura penker unuikiartin atincha nekaattame, tumaitkiusha ju kajinmatkip Jehovaiti jintinkratniuka. Tuma asa ashi aentsun jintinniuiti (Juan 6:44, La Biblia. Traducción del Nuevo Mundo [TNM]). Yuusa Chichame etserkumka ni kakarmari seata. Amek enentaimsam etserkaip antsu Yuus papiijiai etserkata. Nunisam turakmeka chikich aentscha Jehovan umirkartatui.
Ashi nunkanam winia chichamur etserkatarum Yuus turamniuitji. ‘Yusa kakarmarija̱i̱’ turakmeka nukap aents Yuusan umirkartatui (1 Pit. 4:11).
Atumi yachi,
Testigos de Jehová takatrin irunturar chichamprin ainia.
