AKANKAMU 14
Yuúsan enentaimtin ainiasha ¿urukamtai péṉker iruntraru artiniait?
1. Israel aénts áinian ni irutkamuri ati tusa ¿urukamtai Yuús jukmia?
Abrahán shuarnumia áinian, akupkamu chichaman susa, Yuús ni irutkamurin najánamiayi. Nuú irutkamun Israel iniaikiamiayi. Yuúsan péṉker enentaimtusarat tusa unuiniakmauyayi, tura Yuúsa chichamesh susamu armiayi (Salmo 147:19, 20). Nujai aénts ashí irutkamunmania yainma arminiuyayi. Génesis 22:18, aujsata.
Israel aéntsun niniun etserin arat tusa Yuús jukmiayi. Yuús umirkatin péṉkera nu nekatasar, yaunchuk Israel aénts, warí urukawarmia nu nekatniuitji (Deuteronomio 4:6). Nuú irutkamujai chíkich aéntscha nekás Yuúsan nekawarminiuyayi. Isaías 43:10, 12, aujsata.
2. Nekás Kristu aéntska ¿urukamtai iruntraru artiniait?
Israel irutkamu umikcharmatai Yuús nakitramiayi tura chíkich iruntkamun jukmiayi (Mateu 21:43; 23:37, 38). Yamaisha, Kristu aénts Yuúsa chichamen etserin asar Yuúsnan takakmainiawai. Túramuri̱ [Hechos] 15:14, 17, aujsata.
Yuúsa chichamen ashí nuṉkanam etserkar nuyá umiktinian unuiniararat tusa Jesús ni unuiniainiamurin irurmiayi (Mateo 10:7, 11; 28:19, 20, Traducción del Nuevo Mundo; Mateu 24:14). Yamaiya jui, juú nuṉkanam yajauch irunu amukatin ishichik ajasu asamtai, núkap aénts Yuúsa chichame etserkatniun pachintiuiniawai. Tuma asamtai untsurí aénts ashí nuṉkanmanian, nekás religiónnum pachitkia arat tusa Jehová ipiamawai (Apukarípsis [Revelación] 7:9, 10). Nekás Kristu aéntska iruntraru áiniawai tuma asar yainiainiawai tura ikiakanainiawai. Nuyásha iruntramurincha mash nuú jintinkratmanak Yuúsa chichamen unuimiainiawai. Israernum [Hebreos] 10:24, 25, aujsata.
3. Testigos de Jehová iruntramu ¿itiúr juarnakmia?
Nuú iruntramuka 1870 uwítin juarnakmiayi. Ishichik aénts Yuúsa chichamen unuimiatin armiania nu, Yuúsa chichame jintinkratma nukapé tsawant uukma aan nekatan juarkiarmiayi. Yuús akúpeamuriniun ashí nuṉkanam etserkarat tusa, Jesús ni unuiniamurin irurmiayi. Tura 1931 uwítin testigos de Jehová tu naámkarmiayi. Mateu 24:14; Túramuri̱ [Hechos] 5:42, aujsata.
4. Testigos de Jehová ainiasha ¿itiúr iruntrar pujuinia?
Apóstoles pujuarmiania nui, chíkich irutkamunmania Kristu aénts pujuinian iiniash amiayi. Nuna iiniasha nekáska Jesús emtikki juawai tu enentaimiarmiayi (Túramuri̱ [Hechos] 16:4, 5). Yamaisha áintsaṉk, testigos de Jehová áinian, iiniaka, sucursal írunna nuna chikichkimias iiniawai. Nui 600 íniankasan, papiin chíkich chichamjai najánainiawai. Tura nuna najánawar Kristu aénts iruntramu áiniana nui sukartuiniawai. Nuyá 100 mil Kristu aénts iruntramun, iinia nu, Yuús Papiijiai unuiniainiawai tura ikiakainiawai. Tura Yuúsnum tsamakaru ainia nusha Yuúsa murikrin aneamujai péṉker iiniawai. 1 Pítiur 5:2, 3, aujsata.
Yuús Papiinium shiir chicham ana nuna etserkartasa tura Kristu aénts amajsartasa testigos de Jehová iruntraruiti. Apóstoles itiúrkarmia áintsaṉk jeakar, jeakar etserainiawai (Túramuri̱ [Hechos] 20:20). Nuyá nekása nuna anenanka Yuús Papiijiai unuiniainiawai. Testigos de Jehová aíniatikia aya iruntramukchaitji antsu ii shuara ainis asarmatai mai anenai ajakur yatsuru turutskesh umaru tunainiaitji. Tumakrin Yuús waitnenkartus péṉker iirmaji (2 Tisarúnikianam [1 Tesalonicenses] 1:3). Yuúsa iruntramurin pachitkiatikia, Yuús péṉker iiyamu najánatasar tura chíkich aéntssha yaintasar kakaji. Tuma asar warasar pujuwitji. Salmo 33:12; Túramuri̱ [Hechos] 20:35, aujsata.
