Kauṉkaru ujainiamu
JIMIARÁ IRUNTRAMU ÁTATUI
ESCUELA PARA EVANGELIZADORES DEL REINO. Precursores ainiana nu, 23 uwí achiaku nuyaniá juarki 65 uwí achiakutirmesha Yuúsna núkap yaimkiattsarum wakérakrumka, ya nuú unuimiatainiam wetasa wakéra nuka, domingo káshik iruntratin átatna nui ipiamuitrume. Tui tura urutmá ekemsamunma átatna nuka uunt tuakmanum jui etserkattaji.
SERVICIO DE BETEL. Testigos de Jehová áinia nu, 35 timianú uwi achiakusha Betelnum yaimkiatasa wakéruiniaka, sábado kiarai iruntratin átatna nui ipiamu aíniawai. Tui tura urutma ekemsamunma átata nuka uunt tuakmanum jui etserkattaji.
JUÚ TUAKMANUM TAINIANA NU NEKAAWARTIN
ACOMODADORES. Tui ekemsamniaitiaji nuna iin ainia, ni yainmakartatui. Kunkuim tui aipsatniuit, itiurampa wekaasatniuit tura ekemtaisha yana ikiursamniaitiam nuna tura warínkisha turamainiakui mash anturkartá.
EKEMTAI. Waitneasam aya aminiuk enentáimsaip. Tura ju nekatniuitme, aya amee shuarak, ame kunkuimiarmijiai taaruk, nuyá ámijiai Yuúsa Chichamen unuimia nuke ekemtaikia ikiursatniuitme. Ekemsashtitiatam ekemtainiam warínkish ikiukip.
IMIANNIARTI ÁINIA. Imianniartin ainiaka, jintinkratin wajataiyana nui, naka eem ekemsarat tusar tesaramu átatui. Imianniairtinkia sábado káshik imianniartinian jintintiamu juartsain eem ekemsartiniaiti. Japimiartinian nuyá imiantiasa pushin entsartinniasha itiartiniaiti.
KUIT APUJEAMU. Uunt tuakmanum átum péṉkernum ekemsamniuram tusar, tuntuitia nuyá videosha, aintsaṉk warasar naṉkamakur Jehovái nuuran weamkatniun yaiṉkratkat tusar warínkish súmakur kuit ajapaitji. Ame kuit apujeamuka uunt tuakma najánmanum warínkisha akikmatin írunna nuna akikmaktinian tura Yuúsa Chichame etsernaki wetinniash yainmaji. Yaksha juú tuakmanum shiir enentáimias kuitjai yaimkiatasa wakérakka, apach chichamjai caja de contribuciones aárma írunna nui enkeamnaiti. Kuit apujearmena nui yúmiṉkiajrume taji. Yamaiya jui Yuúsna warínkish nájanma írunna nu, najánnaki weti tusarum, kuitjai yaimia asakrumin, Cuerpo Gobernante nui páchitkiainia, atumin yúmiṉkiajrume turamearme.
WARÍNKISH MEṈKAAKA IKIUTAI. Warínkish tepaa wainkiamka, Warínkish Meṉkaaka Ikiutai tana nui ikiuta. Warínkish emeṉkakmeka, Warínkish Meṉkaaka Ikiutai tana nui weme anintruta. Tura aintsaṉk uchi meṉkaaka wainkiarkia nui ikiutniuitji. Tumaitkiusha Warínkish Meṉkaaka Ikiutai tana nuka uchi iistai tusar najánachmaiti. Tuma asamtai waitneasrum uchiram ajapa iniaitsuk péṉker iistarum tura niṉki akupkairap.
JAAKUR IMIATAI. Jaakur imiatai tana nuiṉkia AYA TI JAAKUR wetiniaitji.
YAIMKIATTSAR ANINTRUTAI. Uunt tuakma najáneajnia nui warínmansha yaimkiatasam wakérakmeka, Yaimkiatasar Anintrutai tana nui weme anintruta.
Cuerpo Gobernante de los Testigos de Jehová junaka najánawaruiti
