AKANKAMU 05
Yuus papiiniumka Yuus iin jintintrameajnia nu aarmaiti
Jehová ti penkera nuna amasuitji. Yuus papiinmanka 66 papii aarmaiti. Yuus papiisha tunian jinkiniait? Yaki aaruit tu enentaimtsumeash? Nu nekaatai tusar Yuusa chichamencha itiurak aararmia nu nekaatai.
1. Yuus papiinkia aents aararuitkiuisha Yuus aamtikraiti urukamtai ainis taji?
Yuus papiinkia 40 aishman aararmiayi. Murikiun wainin, namakan ajuntin tura uunt anaikiamusha nuya chikichcha Yuusa chichamenka aararmiayi. Jesús taatsain 1513 uwitin aartinian juarkiarmiayi tura 98 uwitin aarar amukarmiayi. 1.600 uwi ainiak pujursarmiayi. Mashi nu enentainiak aararmiayi. Itiura nunasha ainis turawaruit? Yuus aamtikramu asar ainis turawaruiti (1 Tisarúnikianam [1 Tesalonicenses] 2:13 aujsata) Nu aentska ni enentaimian aarcharmiayi antsu “Yuusa kakarmari utsuam tiarmiayi” (2 Pedro 1:21 TNM). Yuus ni kakarmarijiai ni enentaimmian aentsun aamtikrarmiayi (2 Timiutéun 3:16, 17).
2. Yuus papiincha ya aujsarminiait?
Ashi nunkanam pujuinia nu aents Yuusa chichame penker chichaman etsereana nuna nekaawarminiaiti (Apukarípsis 14:6 aujsata). Chikich papiijiaish iniankas untsuri chichamnum aararat tusa Yuus yainkratkaiti. Tuinsha pujuiniaksha chikich chichaman chichainiaksha ashi aents Yuusa chichame tana nunaka nekaawarminiaiti.
3. Jehová ni chichame aarman menkakain tusa itiurkamia?
Yuusa chichamenka papii warik mamurminnium aararmiayi. Nuap penuarmanum aararmiayi tura nupa papiro naartinnium nuisha aararmiayi tumaitkiusha nukap aents Yuusa chichamen amamkesar chikich papiinium aararmiayi. Naamkaru armiania nu Yuusa chichamen atsut tusar wakeriarmiayi tumaitkiusha nukap aents Yuusa chichame menkakain tusar warinkish najanawarmiayi. Jehovaka ni chichamen emenkakarat tusa iniaisachuiti. Yuus papii tawai: “Antsu Ii Yusri̱ chichame̱ṉka peṉké amuukashtatui” (Isayas 40:8).
PENKER NEKAATAI
Aents Yuusa chichamen aararat tusa Yuussha itiura yainkiarmia nu nekaatai nuyasha Yuus papiin penker wainkiarat tusa tura ashi aents takuarat tusa Yuussha itiura yainkratkait nu nekaatai.
4. Yuusa chichamencha ya aamtikrait nuka Yuus papiinium nekaamniaitji
VIDEO iistarum. Nuya 2 Timiutéun 3:16, 17 aujsarum juna aujmattsatarum.
-
Yuus papiinkia aents aararuitkiuisha urukamtai Yuusa chichame tutain?
-
Yuus ni enentaimmian nekasash aentsun aamtikrarmia?
Papii aakmau papiinkia aawai, tura nui tana nuka ni uuntri enentaimmian aawai, aintsan Yuus papiincha aents aararmiayi tumaitkiusha Yuus timia nuna aararmiayi.
5. Yuusa chichamenka menkakashmiayi
Yuus ni chichamen menkakain tusa ayamprukmiayi. Uunt naamkaru ainiana nu Yuus papiin amuktai tusar warinkisha turawarmiayi. Religionka uuntri armiania nusha aentska Yuusa chichamen aujsarain tusar nakitiarmiayi. Tumaitkiusha kajerainiamsha tura maatniun wakeruiniamsha chikich aentska Yuus papii menkakain tusar warinkish najanawarmiayi. Yuusa chichame menkakain tusa aents warinia najanamia nu nekaattsarum VIDEO iisrum juna aujmattsatarum:
-
Yuusa chichame menkakain tusar warinkish najanawarmiayi. Nu neka asam Yuus papii itiurkatniuitiam?
Yus Kanta [Salmo] 119:97 aujsarum juna aujmattsatarum:
-
Urukamtai nukap aents mantamnawarminiaitiat Yuus papiin chikich chichamnum aar sukartustasar warinkish turawarmia?
6. Yuusa chichamenka ashi aentsnaiti
Túramuri̱ [Hechos] 10:34, 35 aujsarum juna aujmattsatarum:
-
Yuussha ni chichamen chikich chichamjai yapajiawar ashi nunkanam sukartusarat tusa urukamtai wakera?
-
Yuus papii urukamtai penkerait?
Nukap aents
ashi nunkanmaya
Yuusa chichamen ni chichamejai
aujsarminiaiti
Yuus papiikia
3 mil
chichamjai
aarmaiti
5 mil millones
Yuusa chichamenka ti nukap najankamu iruneawai
Chikich papiijiaisha iniankas Yuusa chichamenka nukapete
CHIKICHKIA JUNIS TINIU AINIAWAI: Yuus papiinkia aents aararuiti.
-
Amesha ainis tuiniamusha warintia enentaimiam?
-
Urukamtai Yuus papiikia Yuusa chichameyaiti timiniaitiaj?
WARI NEKAAM
Yuus papiikia Yuusa chichamente tuma asa ashi aents takuarat tusa Yuus yainkratkaiti
Awakeasrik nekaatin
-
Yuussha aentsnasha ni chichamen itiura aamtikrarmia?
-
Yuus papiin emenkaktai tusar warinkish turawarmia nuna warintinmek? Untsuri chichamnum aarar sukartusmana nuna warintia enentaimiam?
-
Nekaarat tusa Jehová najanana nui enentaimkium itiur nekapeam?
NUKAP NEKAATA
Yaunchunia Yuusa chichame aarma ainiana nu tura yamai aarma ainiana nusha nekaata.
Wari urukamtai Yuusa chichamesha menkakachuit (¡Despertad!, noviembre 2007)
Yuus papiin amuktaj tukamar tujinkiarmiania nuna aujmateamu aujsam nekaata.
Nukap aents Yuus papiin chikich chichamnum aartai tusar jakatniuncha ashamkacharmia nu iista.
Yuusa chichamenka untsuri chichamjai nukap iruneawai. Yuusa chichame tana nuna yapajiawaruashit?
Yuus papii aarman nuna yapajiawaruashit? (jw.org nui aarma irunu)
