AKANKAMU 06
Tunia jintraitiaj?
“Nekaatarum, nu Uunt Yuska ashí nuṉkan tura nui̱ írunna nuna najanaiti” (Túramuri̱ [Hechos] 17:24). Amijiaisha nu chicham nekasashit? Nukap aents junis tiniu ainiawai: Iwiakmaka aya neachma nankamnamiayi, iwiakman sukartusuka atsawai, aya neachma jintraitji tuma asar ju nunkanmanka antrar pujaji. Tumaitkiusha Jehovayaiti iwiakman sukartusuka tuma asamtai antar najatmachuitji, nekaschak. a Yuus papiinium iwiakmanka Yuus sukartusmiayi tana nu nekasashit nu nekaata.
1. Nayaimpiniam tura nunkanam iruneana nuna ya najankait?
Yuus papiinium: “Yama naṉkamtaik mash atsuiniai̱ Yuska nayaimpincha nuṉkancha najankarmiayi” tawai (Náṉkammari̱ [Génesis] 1:1). Yaki tura nunka irunun unuimiatin ainiana nusha ashi irunna nuka najanaru ainiawai tuiniawai. Yuussha ashi irunna nuna itiura najanamia? Ni kakarmarijiai najanamiayi. Ni kakarmarijiai yaa irunainiana nuna tura yaki warinkish irunna nunasha najankaiti (Náṉkammari̱ [Génesis] 1:2).
2. Yuussha urukamtai nunkancha najanamia?
Jehovaka “aentsu uchirí̱n nuṉkanka súsaiti” (Yus Kanta [Salmo] 115:16). Jehová antar najanachmiayi antsu matsamsarat tusa nunkanka susaiti. Ju nunkanka ti shiir najanamiayi. Nui aents tuke iwiaku pujuarat tusa najanamiayi (Isayas 40:28 tura 42:5 aujsata). Aents ti unuimiaru ainiana nuka ju nunkaka ti penker najanamuiti tiniu ainiawai. Ju nunka anin yaki irunainiana nuinkia aentska iwiaku pujuscharminiaiti.
3. Aentstisha iwiaru ainiana nujai urukamtai metekchaitiaj?
Jehová ju nunkan najana tura ashi iwiaaru ainiana nunasha najankamiayi. Emka numin najanak tura iwiaaru kampuniunmania nuyasha tankuncha najankamiayi. “Tura Yus Niji̱a̱i̱ métektakun aentsun, áishmaṉnasha nuwa̱ncha najanamiayi” (Náṉkammari̱ [Génesis] 1:27 aujsata). Aentstisha iwiaaru ainiana nujai urukamtai metekchaitiaj? Yuus najatma asakrin niya aintsan anenkratin tura penkera nu najanin aminiaitji nuyasha chikich chichamsha unuimiatramniaitji tura warinkish ti penker najanamu iisar shiir enentaimsamniaitji tura tuntuisamu antakur shiir enentaimsamniaitji. Iwiaaru kampuniunmania tura tanku ainiana nujai metekcha asar iikia Jehová enentaimtusminiaitji.
PENKER NEKAATAI
Ashi irunna nuna Yuus najankaiti urukamtai taji nu nekaatai. Yuus najankamun Yuusa chichame aujmateana nusha urukamtai nekasait nu nekaatai. Iisha urukuitiaj nui enentaimsar Yuus urukuit nu nekaatai.
4. Ashi irunna nuna najankaka awai
Iwiaaru ainiana nu iisar aentska warinkish najanawarmatai ni najanaiti tusar paant amajin ainiawai. Tumaitkiusha nekassha iwiaaru ainiana nuna ya najanait? VIDEO iisrum juna aujmattsatarum:
-
Yuus najankamun iisar aents warinia najanawaruit?
Jea irunna nunaka aents najankaruiti. Tumaitkiusha ashi irunna nunasha yaki najankait? Israernum [Hebreos] 3:4 aujsarum juna aujmattsatarum:
-
Yuus najankamu irunna nu amesha tua ti penker iiyam?
-
Nayaimpiniam tura ju nunkanmasha irunna nuka najankamu ainiawai urukamtai ainis tame?
Jusha nekaata
Yaki najanakit? nuya Tunia jintraitiaj nuna aujmatainiamu tana nuna video turutskesha nuna aujmatu aarmasha jw.org nui wainkiattame.
“Kame ashí je̱a̱n shuar je̱a̱mtsuk. Tura Yus ashí írunna nuna najanaiti”.
5. Yuus ju nunkan itiur najanamia nuna Yuus papiinium aujmateana nu nekasaiti
Yuusa chichame juarmanum Yuus nunkan itiura najanamia tura nui iwiaaru iruneana nunasha itiura najanamia nuna aujmateawai. Nusha nekasashit? Turunachun aujmateawash? VIDEO iisrum juna aujmattsatarum:
-
Nunkasha tura nui irunna nusha 6 tsawanchinman Yuus najanamiayi ainis Yuusa chichame tawak?
-
Yuus papiinium Yuus ashi irunna nuna najankamiayi tusa aujmateana nu nekasaiti tamek? Urukamtai ainis tame?
Náṉkammari̱ [Génesis] 1:1 aujsarum juna aujmattsatarum:
-
Yaki tura nunka irunna nuna unuimiatin ainiasha ashi irunna nuka najanamuiti tu tiniu ainiawai. Ni tuiniana aitkiasan Yuusa chichamesha tawak?
Yuuska warinkish irunna nuna nakak najantsuk ninki najannararat tusa iniaisamiashia? Náṉkammari̱ [Génesis] 1:21, 25, 27 aujsarum juna aujmattsatarum:
-
Namaknasha, iwiaaru kampuniunmania, tankuncha, aentsnasha ninki najannararat tusa Yuus iniaisamiashia? Nakak chikichkimias najankamiashia?
6. Yuus najankamu irunna nujainkia aentstikia metekchaitji
Iwiaaru ainiana nujainkia aentstikia metekchaitji. Náṉkammari̱ [Génesis] 1:26 aujsarum juna aujmattsatarum:
-
Aentstikia Yuusjai metektaku najanamu asar anenkartin tura waitnenkartin aminiaitji. Amesha nu nekaam Yuus urukuiti tame?
CHIKICHKIA JUNIS TINIU AINIAWAI: Ashi irunna nuna Yuus najankaiti tana nuka waitiaiti.
-
Amesha warintia enentaimiam? Urukamtai ainis enentaimiam?
WARI NEKAAM
Ashi nayaimpiniam tura ju nunkanmasha iruneana nuna Jehová najankaiti.
Awakeasrik nekaatin
-
Ashi nayaimpiniam tura ju nunkanam irunna nuna Yuus papiisha ya najankaiti ta?
-
Ashi irunna nuna Yuus ninki najannararat tusa iniaisamiashia nuyanchuka ashi irunna nuna Yuusak najankait?
-
Iwiaaru ainiana nujaisha urukamtai metekchaitiaj?
NUKAP NEKAATA
Iwiaaru irunna nu iisam iin najakrataka ana nu nekaata.
Ashi irunna nu iiyakur wari nekaamniaitiaj? (¡Despertad!, septiembre 2006)
Yuus najankamun Yuus papiinium aujmateana nuna apa ni uchirin itiura jintintia nu iista.
Ashi irunna nuka ninki najanararmiayi ainis Yuus papiisha tawak?
Iwiaaru irunna nuna Yuus ninki najanararat tusa iniaisamiashia? (jw.org nui aarma irunu)
Ukunchin wainkiar unuimiatraru ainiana nu tuiniana nujai iwiakmaka aya nankamnashit turutskesha yaki sukartusuit nu nekaata.
El origen de la vida. Cinco cuestiones dignas de análisis (folleto)
a Yuus aentsnasha urukamtai najanamia nuna akankamu 25 nui aujmattui.
