AKANKAMU 07
Jehovasha urukukit?
Amijiaisha Jehovasha urukukit? Jehová ti nankamakuitkiusha aran pujana ainis iiyamek? Yaa ti yaki irunu waintiainti aintsan Yuussha ti aran pujana ainis enentaimtamek? Kakaram, anenkratcha, charpia aintsashit? Jehovasha nekascha urukukit? Yuusa chichamenka Jehová urukuit tura anenmajnia nunasha aujmateawai.
1. Yuussha urukamtai wainchatain?
Jehovaka wainchatai Yuusaiti (1 Timiutéun 1:17). Jehovaka ayashtin tura ukunchtinchaiti. Ninkia nasea aintsaiti tura nayaimpiniam pujawai iikia wainkiachminiaitji.
2. Yuusa chichamesha Jehová urukuiti ta?
Jehová wainchiatar penker nekaarkia penker asamtai aneastatji. Yuusa chichame tawai: “Warí Jiuwaka naka wekaana núnaka anenaiti. Tura niniu péṉker ainia núnaka ajapanka iniaisashtatui” (Yus Kanta [Salmo] 37:28). “Ii Uuntri̱ Yus ti waitneṉkratchakait” tawai Yuus papii. Yuuska waitiainiana nuna nekaska ti anenaiti (Sántiak 5:11). Jehová ti kuntuts pujuinia nuna ikiuchuiti tura majat pujuiniancha uwemtikniuiti (Yus Kanta [Salmo] 34:18). Ii najaneajnia nujai Jehová waramtiksamniaitiajnia nu nekamek? Aents yajauchin najanuka Jehovan kuntuts enentaimtiksamniaiti (Yus Kanta [Salmo] 78:40, 41). Antsu aents penkera nuna najanuka Jehovan waramtiksamniaiti (Nekatai̱n Jintinkiartin [Proverbios] 27:11 aujsata).
3. Jehová anenmajnia nusha itiura nekaamniaitiaj?
Jehovaka nekaska anenkratniuiti. “Kame Yuska tuke aneṉkratniuiti” (1 Juaṉ 4:8). Yuuska anenkrata asa ni chichamen amasuitji tura anenkrata asa ni najankana nunasha ti penker najankaiti (Túramuri̱ [Hechos] 14:17 aujsata). Watskea enentaimsakia Yuus itiura najatmaitiaj? Iikia kapaaku, mukusa, puju tura chikich aintiakusha iisminiaitji tura tuntuiyamu antakur shiir enentaimminiaitji. Nuyasha yurumak yuakur kunturam nekapminiaitji. Ninkia warasar pujuarat tusa ainis aitkiaiti.
PENKER NEKAATAI
Jehovasha warijaiya ti penkeran najanniuit nu nekaatai nuyasha ni urukuit nuna nekaawarat tusa warinia najanniuit nu nekaatai.
4. Yuusa kakarmari
Aentstikia ii ewejejai takakmatainti. Antsu Yuuska ni kakarmarijiai warinkisha turiniaiti. Chikich religionka Yuusa kakarmarinkia aentsuiti tu unuikiartin ainiawai tumaitkiusha Yuusa chichamenka ainis tatsui. Lucas 11:13 TNM tura Hechos 2:17 a TNM aujsarum juna aujmattsatarum:
-
Yuuska ni kakarmari seamka amastatji. Kame nuinkia Yuusa kakarmari aentsuashit?
Aentstikia najanachminiaitiajnia nuna Jehovaka ni kakarmarijiai najanniuiti. Yus Kanta [Salmo] 33:6 tura 2 Pedro 1:20, 21 TNM aujsarum juna aujmattsatarum:
-
Yuussha ni kakarmarijiai warinia itiurkait?
5. Jehovaka ti penker asamtai nijiai nawamnaikiamniaitji
Moiseska Yuusan umirniuyayi tumaitiat Yuusan penker nekaattsa wakerimiayi tuma asa “Ame winia waitnenkartutair waitrukmeka ame jintim iniaktursata” timiayi (Jíinkiarma [Éxodo] 33:13). Ni urukuit nuna Jehová Moisesan ujakmiayi. Jíinkiarma [Éxodo] 34:4-6 aujsarum juna aujmattsatarum:
-
Yuus Moisesan urukuitjiai timia?
-
Yuus uruku asamtaiya amesha penkeraiti tame?
6. Jehovaka iin enentaimturmaji
Israel aentska Egipto nunkanam pujuarmiania nui waitkiasma matsamiarmiayi. Israel aents waitiainiakui Jehová itiura enentaimmia? AUJEAMU antakrum Yuus papii iiki wetarum turutskesha Jíinkiarma [Éxodo] 3:1-10 aujsarum juna aujmattsatarum:
-
Antukumna nui aents waitiainiakui Jehovasha itiur nekapniuiti ta? (Akantramuri 7 tura 8 aujsatarum).
-
Jehová aentstin nekas yainkratkattsa wakerawai amesha tu enentaimiamek? Jehová yainkratkamniashit amesha urukamtai ainis tame?
7. Jehová urukuit nuka ni najankamu ainiana nu iisar nekaamniaitji
Jehová najankana nu iisar ninkia urukuiti timiniaitiaj. VIDEO iistarum. Rúmanam 1:20 aujsatarum tura juna aujmattsatarum:
-
Amesha ni najankamu irunna nu iisam Jehová urukuiti timiniaitiam?
CHIKICHKIA JUNIS TINIU AINIAWAI: Yuuska wainkiachmin asamtai ni urukuit nuka nekaachminiaitji.
-
Amesha warintia enentaimiam?
-
Urukamtai ainis enentaimiam?
WARI NEKAAM
Jehovaka wainkiachminiaitji. Ni urukuit nuka ti penker ainiawai tura nekaska anenkratniuiti.
Awakeasrik nekaatin
-
Jehovasha urukamtai wainkiachminiaitiaj?
-
Yuussha warinkisha najanuk warijiaiya najanniuit?
-
Yuus penker asa urukuit?
NUKAP NEKAATA
Jehová urukuit nu aintiuk unuimiatram ni penker nekaata.
Jehovaka tui tuinsha pujatsui urukamtai ainis taji nu nekaata.
Yuus tuinsha tura warinmansha pujawak? (jw.org nui aarma irunu)
Yuusa kakarmarinkia Yuusa eweje aintsaiti Yuus papii urukamtai ainis ta nu iista.
Aents jii kusuru Yuuska winiaka enentaimtureatsui tu enentaimmian yapajiamiania nu nekaata.
Yamaikia aentsun yainmin asan warajai (La Atalaya, 1 de octubre 2015)
a Yuus papii chikich iruneana nuinkia Yuusa wakani tu aararuiti. Tumaitkiusha yaunchuk Yuusa chichamen aarma amiania nuinkia Yuusa kakarmari tu aarma amiayi.
