Yuus anenkratin asamtaisha urukamtaiya religión irunna nu Yuusa naarin pachisar ti yajauchin turawaruit. Nu religionka antar religión asar ainis turawaruiti. Waitruiniak tura yajauchia nuna najanainiak Yuusan natsanmai ujuwainiawai. Itiura nunasha ainis turawaruit? Ainis turuiniakui Yuussha itiur enentaimsait? Yuussha itiurkatta?

1. Ni unuikiartuiniana nujaisha itiura Yuusan natsanmai ujukaruit?

Antar religión ainiana nuka Yuusna nekasa nuna nakitrar waitian etserkaruiti (Rúmanam 1:25). Nukap religión Yuusa naarin etsercha ainiawai. Tumaitkiusha Yuusa chichamenka Yuusa naari titiniaitji tawai (Juir 2:32). Religionka uuntri ainiana nuka warinkish nankaamasmatai Yuus ainis turayi tiniu ainiawai. Tumaitkiusha nuka waitiaiti. Warinkish nankaamana nunaka ninkia turichuiti (Sántiak 1:13 aujsata). Ainis waitian etserainia asarmatai nukape aents Yuusan enentaimtustinian iniaisaruiti.

2. Ni najanainiamujaisha itiura Yuusan natsan awajsaruit?

Antar religionka aentsun penker wainiainiatsui antsu ti waitkiainiawai. Yuusa chichame tawai: “Ni tunaarí̱sha ti piak nayaimpiniam jeastatuk ajasái” (Apukarípsis 18:5). Antar religionka yaunchunia juarkin politicanam pachiniainiawai tura aentsnasha maawaruiti. Religionka uuntri ainiana nuka kuitrintin ajasaruiti. Kuitrintin ajastaj tunia asar ni religionrin pachitkiainiana nunaka kuit apujsatarum tuiniawai. Nuna turuinia asar Yuusnaka nekainiatsui. Tuma asar Yuusan enentaimtaji ticharminiaiti (1 Juaṉ 4:8 aujsata).

3. Antar religión najanainiana nuna iiyak Yuussha itiurak enentaimia?

Antar religión nankamas najanainiamu wainiakum itiurchat enentaimchashitiam? Yuussha aintsan itiurchat enentaimniuiti. Ninkia aentsnaka anenaiti tumaitkiusha religión uuntri ainiana nu ni naarin natsan uju ainiana nunaka tura aentsun waitkiainiana nunaka penke nakitiawai. Yuuska antar religionnaka amuktatjai tura tuke menkakattawai tawai (Apukarípsis 18:21). Antar religión irunna nunaka Yuus jukerusan amuktatui (Apukarípsis 18:8).

 PENKER NEKAATAI

4. Yuuska religión irunna nuna mashiniunka penker iiyatsui

Nukap aentska warinkish religionnum pachitkiakrisha nu Yuusak enentaimtaji tu tiniu ainiawai. Tumaitkiusha nu nekasashit? Matéu 7:13, 14 aujsarum juna aujmattsatarum:

• Tuke iwiaku pujustaj takurkia uruku jintianmani wetiniaitiaj?

VIDEO iisrum juna aujmattsatarum:

• Yuuska mashi religionkan penker iiyawai ainis Yuusa chichame tawak?

 6. Yuuska antar religión ainiana nunia jinkitiarum turameaji

Apukarípsis 18:4 a aujsarum juna aujmattsatarum:

• Antar religión nukap aentsun anankawaruiti. Nunia Jehová uwemtikrartasa wakerawai. Yuus ainis turattsa wakerana nu warintia enentaimiam?

7. Yuusna nekatin iniaisaip

Antar religionnum pachitkiainia yajauchin najanawaru asarmatai Yuuska yajauchiti tu titiniashitiam? Uchi ni apari jintinmaitiat nakitminia nui enentaimsata. Uchikia yajauchin najaninti, tura aparinkia ni uchiri najanman nakitminiaiti. Uchiri yajauch najankui apari makurminiashitiaj?

• Antar religionnum pachitkiainia najanainiamu iisar Yuus makurar ni enentaimtustin iniaisatniuashitiaj?

 WARI NEKAAM

Antar religión ainiana nuka penker unuikiartuiniachu asar tura yajauchin najanainia asar Yuusa naarin natsan ujukaruiti. Antar religión irunna nunaka jukerusan Yuus amuktatui.

Awakeasrik nekaatin

• Antar religión najanawarma irunna nuna tura ni jintinkratawaruana nunasha warintinmek?

• Jehovasha antar religión irunna nunasha itiurak enentaimta?

• Antar religión irunna nunasha Yuussha itiurkatin?