AKANKAMU 15
Jesussha penker nekaatniuitji
Jesusnaka mash nekainiawai. Tumaitkiusha ishichik aents Jesusnaka penker nekainiawai. Nukap aents Jesús yait nuna nankamas tuiniawai. Yuusa chichamesha warintia jintinkratea?
1. Yuus papiisha Jesús urukuiti ta?
Jesuska ti kakarmaiti tura ninkia nayaimpiniam pujawai. Ashi irunna nuna najantsuk Yuus Jesusan emka najanamiayi. Tuma asamtai “Yus ashí najanamu ainia nuna iwia̱i̱yaiti” tawai Yuus papii (Kurusenam [Colosenses] 1:15). Yuusa chichamenka Jesuska Yuusa uchiri chikichkia nuiti tawai, Yuus nakak najana asamtai ainis tawai (Juaṉ 3:16). Jesuska ni aparijiai takakmasmiayi. Ashi irunna nuna najanatniun yainmiayi (Nekatai̱n Jintinkiartin [Proverbios] 8:30 aujsata). Maimtaik ti shiir amajnaiyainiawai. Yuusa chichamenka Jesusnaka Chicham tawai. Yuus tana nuna etserin asamtai ainis tutainti (Juaṉ 1:14).
2. Jesús ju nunkanmasha urukamtai tamia?
Ti yaunchuk Jehová Jesusan ju nunkanam akiniat tusa akupkamiayi tura nuwa María naartinnium akiniamiayi (Lucas 1:34, 35, TNM aujsata). Jesús ju nunkanam tatiniuya nuka yaunchuk aarma amiayi. Nuna umiktasa ju nunkanam tamiayi. Nuyasha aentsun uwemtikrartasa tamiayi. a Jesús turatniuyania nuka mash uminkiamiayi. Tuma asamtai Jesusnaka “Ámetme Kristu, Yus Anaikiamu. Nekas iwiaaku Yusa Uchirí̱nme” ainis tiarmiayi (Matéu 16:16).
3. Jesús yamaisha tui puja?
Jesús jaka nantaki nayaimpiniam waketkimiayi. “Túramtai Yus nekas naṉkamantu awajsámiayi” (Jiripiusnum [Filipenses] 2:9). Yamaikia Jesuska uunt anaikiamuiti. Tumaitkiusha aya Jehovak ti nankaamantuiti.
PENKER NEKAATAI
Jesusna nekaatai. Urukamtai Jesussha penker nekaatniuitiaj nu nekaatai.
4. Jesuska Yuuschaiti
Jesús nayaimpinmanka ti kakarmaiti tura ninkia Jehovan umirniuiti tawai Yuusa chichame. Jehovayaiti ni Yuusri tura ni aparinkia. Nusha urukamtai ainis taji? Yuusa chichame Jesusnan warintiua nu nekaattsarum VIDEO iistarum.
Jui Yuus papii aarma irunna nuka Jehová tura Jesús penker nekatniun jintintrameaji. Jui Yuusa chichame aarma irunna nu chikichkimsarum aujsarum juna aujmattsatarum:
Rúkas [Lucas] 1:30-33 aujsatarum.
-
Jehová Jesusjai metekeashit?
Matéu 3:17 aujsatarum.
-
Jesús imiannimia nui nayaimpinmaya wari antukamia?
-
Yaki ainis timia?
Juaṉ 14:28 aujsatarum.
-
Apa ni uchirijiai ya imia uuntait?
-
Jesussha urukamtai Jehovan aparua timia?
Juaṉ 12:49 aujsatarum.
-
Jesús wikia winia aparjai meteketjai ainis timiakia? Amesha warintinmek?
5. Jesuska Yuus akupkamuyayi
Jesús urukatniuya nuna aarma amiayi. VIDEO iistarum. Yuusa chichame aarma Jesusai uminkiamiania nu nekaattarme.
Yuusa chichame aarma aujsarum juna aujmattsatarum:
Jesús tui akiniatniuya nu nekaattsarum Mikías 5:2 aujsatarum. b
-
Jui tana aintsan Jesús Belennum akiniamiashia? (Matéu 2:1).
Jesús urukatniuya nu nekaataj tusarum Yus Kanta [Salmo] 34:20 tura Sakarías 12:10 aujsatarum.
-
Jui aarma aujsajnia nu uminkiarmiashia? (Juaṉ 19:33-37).
-
Jesús wi jakamtainkia junis aitkiatarum timiashia?
-
Jesús nankaamasmiania nujaisha wari nekaam?
6. Jesús nekaatin ti penkeraiti
Jesús penker nekaatniuitji tawai Yuusa chichame nuyasha Yuus Jesusan takatan susana nunan aujmateawai. Juaṉ 14:6 tura 17:3 aujsarum juna aujmattsatarum:
-
Urukamtai Jesús penker nekaatniuitiaj?
Jesuska jintia jintiameana ainis Yuusa amikri ajastinian yainmakmiaji nuyasha Jehovanun nekasa nuna jintinkratamiayi. Tura aintsan Jesús turamiania nui tuke iwiaku pujumniaitji.
CHIKICHKIA JUNIS TINIU AINIAWAI: Testigos de Jehová ainiaka Jesusnaka nakitin ainiawai.
-
Amesha warintinmek?
WARI NEKAAM
Jesuska wainkiachminiaiti tura ti kakarmaiti. Ninkia Yuusa uchirinti tura ni ju nunkanam tatiniuyayi.
Awakeasrik nekaatin
-
Jesuska “Yus ashí najanamu ainia nuna iwia̱i̱yaiti” urukamtai Yuus papii ainis ta?
-
Jesús ju nunkanam tatsuk warinia najanmia?
-
Jesuska Yuus akupkamuyayi urukamtai ainis taji?
NUKAP NEKAATA
Jesuska Yuus akupkamuiti urukamtai taji nu nekaata.
Jesús Yuus akupkamuiti urukamtai taji? (jw.org nui aarma irunu)
Wari urukamtai Jesuska Yuusa uchirinti taji nu Yuus papiinium nekaata.
Urukamtai Jesús Yuusa uchirinti taji? (jw.org nui aarma irunu)
Yuus apa, Yuus uchi tura Yuusa kakarmari chikichik Yuus ainiawai tiniu ainiana nu nekasashit nu nekaata.
Yuusa chichame Jesusnan aujmateana nuna nekaa nuwa itiur yapajniamia nu nekaata.
Judío nuwa Jesuska Yuus akupkamuiti urukamtai tu enentaimmia? (¡Despertad!, mayo 2013)
a Urukamtai uwempratniuitiaj tura Jesussha itiura uwemtikrameaj nuna akankamu 26, 27 nui aujmateawai.
