AKANKAMU 16

Jesús ju nunkanam pujumiania nui warinia najanamia?

ANTUKTIN, IISTIN

Nukap aents Jesusnaka uchi ainis enentaimtuiniawai, Yuusnan etserniuyayi tiniu ainiawai turutskesha numiniam ajintiamu jakamiayi tiniu ainiawai. Jesusna unuimiatkurkia penker nekaamniashitiaj? Ju akankamunmanka Jesús ju nunkanam pujus warinia najanamia nu nekaattaji.

1. Jesús ju nunkanam pujumiania nui warinia nekaska turamia?

“Nuyá̱ untsurí péprunam Jesus wekaráktak Yus akupeana nuna shiir chichaman etserkiní̱ wekaimiayi” (Rúkas [Lucas] 8:1 aujsata). Yuus ju nunkanam itiurchat irunna nuna iwiarattawai tu etserkamiayi. a Nu chichaman etsereak aya nunak menaintiu uwi pujursamiayi (Matéu 9:35).

2. Jesussha aentstikia najanachminian urukamtai najanamia?

“Tura Jesusja̱i̱ aentsti túrachminian átum íimmianum Yus túramiayi” tawai Yuusa chichame (Túramuri̱ [Hechos] 2:22). Jesuska Yuusa kakarmarijiai nase ti kakarman emenkakmiayi, jainiancha tsuararmiayi tura jakaruncha iniankiarmiayi (Matéu 8:23-27; 14:15-21; Márkus 6:56; Rúkas [Lucas] 7:11-17). Yuus ainis najanamniaiti tusa aitkiamiayi.

3. Jesús najanamiania nuna wari nekaamniaitiaj?

Jesuska Jehovan tuke umirkamiayi (Juaṉ 8:29 aujsata). Umi umirkua jakamiayi. Jesuska ni najanmiania nuna najanawain tusar nakitiainiakuisha Yuus wakerimia nuna mash najanamiayi. Aentska itiurchat nankaamainiaksha Yuusnaka umirkarminiaiti tusa ainis turamiayi. Jesuska niya aitkiasan turawarat tusa ainis turamiayi (1 Pítiur 2:21).

PENKER NEKAATAI

Jesussha Yuusa chichamen itiurak etsermia. Tura aentstikia turachminian itiurak najanamia nu nekaatai.

4. Jesuska penker chichaman etserkamiayi

Jesuska penker chichaman etseruk aran wekas etserkamiayi. Rúkas [Lucas] 8:1 aujsarum juna aujmattsatarum:

Jesusan anturkatai tusar kauniarmiania nunakeash Jesús Yuusa chichamen ujakarmia?
Untsuri aentsun Yuusa chichame ujakartasa itiurkamia?

Jesús penker chichaman etserkatniuya nuna Yuus timiayi. Isaías 61:1, 2 TNM aujsarum juna aujmattsatarum:

Jui tana aintsan Jesús warinia najanamia?
Yamaisha aents penker chichaman antuktinian utsumainiawash?

5. Jesuska ti penker jintinkratamiayi

Jesuska aya penker chichaman jintinkratachmiayi antsu itiurkaria warasar pujumniaitiaj nunasha jintinkratamiayi. Jesús nainnium wajas jintinkratamiania nuna nekaatai. Matéu 6:14, 34 tura 7:12 aujsatarum turarum juna aujmattsatarum:

Aujsajnia nuisha Jesús wariniuna jintinkratamia?
Jesús jintinkratamiania nusha yamaiya juisha yainmakminiashitiaj? Amesha waritmea?

6. Jesuska aentstikia najanachminian najanamiayi

Aentstikia turachminian turat tusa Jehová Jesusan kakarman susamiayi. Nuna nekaataj tusarum Márkus 5:25-34 aujsatarum turutskesha VIDEO iistarum. Turarum juna aujmattsatarum:

VIDEO: Nuwa jaa pujan Jesús tsuarmiayi (5:10)

Nu nuwasha waritia enentaimmia?
Nuwa tsuamarmiania nuna waritminiaitiam?

Juaṉ 5:36 aujsarum juna aujmattsatarum:

Yamai unuimiarajnia nui enentaimsam Jesusnasha ya akupkamiayi timiniaitiam?

Jusha nekaata

Mateo, Marcos, Lucas tura Juan papiiniumka Jesusnan aujmatainiawai. Nu papiin aararmiania nuka Jesús turamia nuna aujmattsarmiayi. Nu papiikia mash timiatrusan aarma ainiawai tura Jesús penker nekaatniun yainmaji.

MATEO

Jesús turamia nuna emka aarmiayi. Jesús jintinkratamia nuna aujmatui. Jesús uunt anaikiamu ajastiniuya nuna aujmatui.
MARCOS

Ni aarmaka nukapchaiti. Ni aarmaka ti penkeraiti tura aujuujataiti.
LUCAS

Yuus seatniuitiajnia nuna aujmateawai. Jesús nuwa armiania nunasha shiir amajsarmiania nuna aujmatui.
JUAN

Jesús urukuya nuna aujmatui. Jesús ni amikri armiania nujai aujmattsamun tura chikich aentsjaisha aujmattsamun aujmateawai.