AKANKAMU 18

Nekas Kristu aentscha itiura nekaamniaitiaj?

ANTUKTIN, IISTIN

Untsuri aents Kristu aentsuitjiai tiniu ainiawai. Kristu aentsuitjiai tuiniayat mashi nunak najancha ainiawai. Nuinkia nekas Kristu aentscha ya ainia nusha itiura nekaamniaitiaj?

1. Nekas Kristu aentscha uruku artiniait?

Nekas Kristu aentska Jesús turamiania aitkiasan najanin ainiawai (Túramuri̱ [Hechos] 11:26 aujsata). Nekas Kristu aentscha warinia najanin ainia? Jesús timiayi: “Wi tájarmena nu yawe̱tsuk túrakrumka nekas winia unuiniamur átatrume” (Juaṉ 8:31). Nekas Kristu aentska Jesús unuikiarturmiania nuna umikiartiniaiti tusa ainis tawai. Nekas Kristu aentska Yuusa chichamejai unuikiartin ainiawai. Jesús Yuusa chichamejai unuikiarturmiania aintsan turin ainiawai (Rúkas [Lucas] 24:27 aujsata).

2. Nekas Kristu aentska anenkratin asar warinia turin ainia?

Jesús ni unuiniamuri armiania nuna junis timiayi: “Wi aneajrumna nútiksarmek ashí anenaitiarum” (Juaṉ 15:12). Jesús ni unuiniamuri armiania nuna anea asa warinia turamia? Nijiai irunar nankaama wemiayi tura ikiakararmiayi nuyasha yainkiarmiayi. Tura aintsan ni unuiniamuri armiania nuna tumashrin akikmaktaj tusa jakamiayi (1 Juaṉ 3:16). Nekas Kristu aentska aya anenaistiniaitji ticha ainiawai antsu mai anenai ajau ainiawai.

3. Nekas Kristu aentscha warinia nekassha najanawartiniait?

Jesuska ni unuiniamuri armiania nuna Yuus anaikiamu nuna etserkarat tusa akupkarmiayi (Rúkas [Lucas] 9:2). Yaunchunia Kristu aentska Yuus enentaimtutai jeanam aya nuin Yuusa chichamenka etsercharmiayi. Aents yujainiamunam Yuusa chichamenka etseriarmiayi tura jea irunmanumsha wear etseriarmiayi (Túramuri̱ [Hechos] 5:42; 17:17 aujsata). Yamaiya juisha nekas Kristu aentska aents matsatainiamunam Yuusa chichamen etserainiawai. Chikich aentsun anena asar tsawantan aankawar Yuusa chichamen etserainiawai (Márkus 12:31).

PENKER NEKAATAI

Nekas Kristu aentscha chikich aents Kristu aentsuitji tuiniana nujaisha urukamtai metekcha ainia nu nekaatai.

4. Yuusa chichamen paant jintinkratin ainiawai

Yaunchuksha Kristu aentska Yuusa chichamen aujin armiayi.

Chikich aents Kristu aentsuitji tiniu ainiana nuka Yuusa chichamen paant jintinkratcha ainiawai. VIDEO iisrum juna aujmattsatarum:

VIDEO: Yuusa chichamenka iniaisar aentsu enentainiak jintiawarmiayi (5:11)

Nukap religión iikia Kristu aentsuitji tiniu armiania nu Jesús unuikiarturmiania nuna itiura uukarmia?

Jesuska Yuusa chichamen paant unuikiarturmiayi. Juaṉ 18:37 aujsarum juna aujmattsatarum:

Jesús timiania aintsan Yuusan nekas umirniuka uruku artiniait?

5. Yuusa chichamen paant etserainiawai

Yaunchuksha Kristu aentska etserin armiayi.

Jesús nayaimpiniam wetsuk Yuusa chichame etserkatniun takatan sukartusmiayi. Nu takatka yamaisha najaneaji. Mateo 28:19, 20 TNM tura Hechos 1:8 TNM aujsarum juna aujmattsatarum:

Yuusa chichamesha urutain etserkatniusha iniaisattaj tura timiatain etsernaktiniait?

6. Kristu aentska Yuusa chichamen etserainiana nuna ni iwiakmarincha uminiawai

Tom naartin nekas religionkan wainkiajai urukamtai ainis enentaimsamia? VIDEO iisrum juna aujmattsatarum:

VIDEO: Religionnum pachinkiatniun iniaisamiajai (5:20)

Tom naartincha urukamtai religionnan nekaatniun nakitmia?
Tomsha nekas religionkan wainkiajai urukamtai ainis enentaimia?

Ii tajinia nuka aitkiasrik najanatniuitji. Matéu 7:21 aujsarum juna aujmattsatarum:

Jesussha warinia penker iiya: ii tajinia nunash turutskesha ii najaneajnia nunash?

7. Mai anenai ajainiawai

Yaunchuksha Kristu aentska mai anenai ajau armiayi.

Nekas Kristu aentska mantamnamniaitiat Yuusnumia yachin ayamprukaruiti. VIDEO iisrum juna aujmattsatarum:

VIDEO: Ni iwiakmarin surimiakchamiayi (2:55)

Lloyd naartin Johansson naartinian wari urukamtai ayamprukmia?
Nekas Kristu aentsua ainis iniakmamsamkia?

Juaṉ 13:34, 35 aujsarum juna aujmattsatarum:

Kristu aentscha ashi aentsun itiur enentaimtiartiniait?
Meset akui itiurin ainia?

CHIKICHKIA JUNIS TINIU AINIAWAI: Nukap religión iruneawai tumaitkiusha tukit nekas religionsha?

Nekas Kristu aents ya ainia nu jintintiattsam Yuusa chichame tui aarma aujtusminiaitiam?

WARI NEKAAM

Nekas Kristu aentska Yuusa chichame tana nuna uminiawai, chikich aentsun anena asar warinkish turin ainiawai nuyasha Yuusa chichamen paant etserin ainiawai.