Jehovaka nankamas pujuarain tusa nakitniuiti (1 Kurintiunam 14:33). Tuma asa nin enentaimtuiniana nusha iruntrar pujuarat tusa wakeriniaiti. Kristu aentscha itiura iruntrar pujuinia? Penker iruntrar matsamsattsar wari najanatniuitiaj?

1. Kristu aents ainiana nuna uuntrisha yait?

“Kristu ni shuari̱n aya̱shímiak ni muuke̱a áintsaṉkete” (Ipisiunam [Efesios] 5:23). Ashi nunkanam Kristu aents Yuusnan najanainiana nuna Jesús nayaimpiniam pujus iiyawai. Esetar enentaimias penker takakmaun anairamiayi. Nuka Testigos de Jehová takatrin irunturar chichamprin ainiana nu ainiawai (Matéu 24:45-47 aujsata). Apóstol armiania nu tura uuntri anairamu armiania nusha yaunchukka Kristu aentsun wainin armiayi. Yamaisha aintsan Testigos de Jehová takatrin irunturar chichamprin ainiana nuka Kristu aentsun iiniawai (Túramuri̱ [Hechos] 15:2). Tumaitkiusha ninkia nankaamaku enentaimcha ainiawai antsu Jehová tura ni chichame tana nuna uminiawai tura Jesusnasha umirainiawai.

2. Uuntri anairamusha warinia najanin ainia?

Uuntri anairamuka Yuusa chichamejai jintinkratin ainiawai nuyasha Kristu aents ainiana nuna yain ainiawai tura ikiakain ainiawai. Nunaka kuitchajai turin ainiawai. Kuitrintin ajastaj tutsuk Yuusna asamtai wakerusmajai najanainiawai (1 Pítiur 5:1, 2). Uuntri anairamu ainiana nunaka yaimin anairamu yain ainiawai. Yaimin anairamusha penker yaimiainiak ukunmatainkia uuntri anaikiamu ajasarminiaiti.

Testigos de Jehová takatrin irunturar chichamprin ainiana nu uuntri anairamu ainian iisar wekas iikratin ati tusar anain ainiawai. Wekas iikratin ainiana nuka Kristu aents ainiana nuna iin ainiawai tura ikiakain ainiawai. Nuyasha Yuusa chichame tana nuna iisar uuntri anaikiamu ati tusa anain ainiawai turutskesha yaimin ati tusa anain ainiawai (1 Timiutéun 3:1-10, 12; Titiun 1:5-9).

3. Testigos de Jehová chikichkimsar warinia najanin ainia?

Yuus papii “Jiuwáa naari̱ shiir awajsatarum” tau asamtai iruntainiam ewejen takuiyar pachiniainiawai. Nuyasha ni jeamun Yuusa chichamen etserainiawai (Yus Kanta [Salmo] 148:12, 13 aujsata).

 PENKER NEKAATAI

4. Ii uuntri Jesús ti penkeraiti

Jesús junis turatarum timiayi. Matéu 11:28-30 aujsarum juna aujmattsatarum:

• Ii uuntri Jesussha urukuit? Itiur enentaimsarat tusa wakera?

5. Uuntri anairamuka Yuusa chichamen etserainiana aitkiasan ni iwiakmarincha najanainiawai

1. Uuntri anairamuka Jehovan umirkattsar kakainiawai. Ni nuwen ni uchirincha Jehovan umirkarat tusar yayainiawai.

2. Uuntri anairamuka Kristu aentsun penker wainin ainiawai.

3.   Uuntri anairamuka Yuusa chichamenka tuke etserin ainiawai.

4. Uuntri anairamuka Yuusa chichamen jintinkratin ainiawai. Tura japimkiatniun nuyasha warinmansha yaimin ainiawai.

6. Uuntri anairamu ainiana nu yayainiaji

Uuntri anairamu ainiana nu urukamtai yaintiniaitiaj nuna Yuusa chichame turameaji. 1 Tisarúnikianam [1 Tesalonicenses] 5:12, 13 aujsarum juna aujmattsatarum:

• Uuntri anairamu ainiana nu umirkatniuitrume urukamtai ainis Yuusa chichame ta? Nu turatniusha penkerashit?

Rúkas [Lucas] 16:10 aujsarum juna aujmattsatarum:

• Warinmansha urukamtai uuntri anairamu tuiniana nu umirkatniuitiaj?

 WARI NEKAAM

Jesuska Kristu aents ainiana nuna uuntrinti tura uuntri anairamusha Jesusan umirainiawai. Penker waitmainia asakrin tura penker iniakmamainia asarmatai iikia ni umirainiaji.

Awakeasrik nekaatin

• Kristu aents ainiana nuna uuntrisha yait?

• Uuntri anairamu ainiana nusha Kristu aents ainiana nunasha itiura yayainia?

• Testigos de Jehová chikichkimsar warinia najanin ainia?