AKANKAMU 21
Yuusa chichamesha itiura etserna?
Ju nunkanam itiurchat irunna nuna amukat tusa Jehová Jesusan anaikiaiti tura nuka jukerusan turunattawai. Nu neka asar chikich aentscha ujakchatniukaitiaj? Jesuska nu chichaman ashi aentsun ujakarat tusa wakerimiayi (Mateo 28:19, 20 TNM). Jesús timiania nu umiktai tusar testigos de Jehovatisha wari najanaitiaj?
1. Matéu 24:14 nui tana nusha yamaiya jui itiur uminia?
“Ashí aents nekaawarat tusa Yus Chicham ashí nuṉkanam etsernaktatui” Jesús tu timiayi (Matéu 24:14). Testigos de Jehovatikia Yuusa chichame etserkur ti shiir nekapniuitji. Tura nu chichamka ashi nunkanam ni chichamejain ashi aents ujainiaji. Yuusa chichame etserkatniuka ti takataiti tumaitkiusha Jehová yainmakrin penker iruntrar nu takatka najanji.
2. Itiurkaria Yuusa chichamesha etserniuitiaj?
Tui tuinsha Yuusa chichame etserniuitji. Yaunchunia Kristu aents turu wearmiania aitkiasan jea irunmanum wekatusar Yuusa chichame etserniuitji (Túramuri̱ [Hechos] 5:42). Ainis Yuusa chichame etserkur nukap aents ujainiaji. Tumaitkiusha nukap aents ni jeen pujuiniachu asarmatai nukap aents iruneamunam etsereaji. Jehová turattana nuna aents nekaawarat tusar Yuusa chichamenka tuke etserniuitji.
3. Yuusa chichamencha ya etserkartiniait?
Kristu aentsuitjiai takurkia Yuusa chichame etserkatniuitji. Nu takat nakuchu asamtai Yuusa chichame etserkattsar ti kakainiaitji. Aents ewemprarat tusar nu turiniaitji (1 Timiutéun 4:16 aujsata). Yuusa chichame etsereakrin yaksha akirmainiatsji. Yuus papiikia nu najankur antrarik najanatniuitji tawai (Matéu 10:7, 8). Mashiniu antuiniachkuisha Yuusa chichamenka tuke etsereaji. Jehová enentaimta asar tura waramtiksattsar nu turiniaitji.
PENKER NEKAATAI
Testigos de Jehovati ashi nunkanam tui tuinsha etsereajnia nu nekaatai.
Ashi nunkanam etsereaji: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia.
4. Ashi aents Yuusa chichame ujaktai tusar tui tuinsha etsereaji
Testigos de Jehovatikia ashi aents Yuusa chichame ujaktai tusar tui tuinsha etserniuitji. VIDEO iisrum juna aujmattsatarum:
-
Testigos de Jehovatisha Yuusa chichame etserkattsar wari turiniaitiaj?
Matéu 22:39 tura Rúmanam 10:15 aujsarum juna aujmattsatarum:
-
Chikich aents anena asar wari turiniaitiaj?
-
Jehová ni chichamen etserainiana nuna itiur enentaimta? (Akantramuri 15 iistarum).
5. Yuusna takaji
Ni chichame etsereajnia nui Jehová yainmaji. Nueva Zelanda nunkanam nukuach Yuusa naari pachis seak junis timiayi: Yaksha amin penker nekaatniun yainkiati tu timiayi. Tinia arusain testigo de Jehová Paul naartin etserki wesa ni jeen jeamiayi.
1 Kurintiunam 3:9 aujsarum juna aujmattsatarum:
-
Nueva Zelanda nunkanam nankaamasmia nui enentaimsar Jehová ni chichame etserkatniun yainkratniuiti urukamtai taji?
1 Timiutéun 2:4 aujsarum juna aujmattsatarum:
-
Jehová yainmachkurninkia ni chichame etserkatin jeajiash?
Jusha nekaata
Iruntramu emka najantaiyana nuinkia etserkatniun jintinkratin ainiawai. Amesha iruntramunam pachinkiaitkiumka nui jintinkratainia nu itiur iiyam?
6. Ni chichame etserkur Yuus umireaji
Yaunchunia Kristu aentsun kajeriarmiania nu Yuusa chichamen etserkarain tusar nakitiarmiayi. Etserkairap tusar kajeriarmiayi. Tumaitkiusha Kristu aents armiania nuka Yuusa chichamen etserkatniun surimkiarain tusar ayamprumaktai tusar uunt naamka eketainiajai aujmatin armiayi (Filipenses 1:7 TNM). Yamaisha ainis testigos de Jehová nu najaneaji. a
Túramuri̱ [Hechos] 5:27-29, 33-42 aujsarum juna aujmattsatarum:
-
Yuusa chichame etsermasha urukamtai iniaisashtiniaitiaj? (Akantramuri 29, 38 nuya 39 iistarum).
CHIKICHKIA JUNIS TINIU AINIAWAI: Urukamtai testigos de Jehová jeakar jeakar wekain ainia?
-
Amesha warintinmek?
WARI NEKAAM
Jesús ni unuiniamuri ainian ashi nunkanam shiir chicham etserkatarum timiayi. Jehovaka ni iruntramurin ni chichamen etserkarat tusa yayawai.
Awakeasrik nekaatin
-
Itiurkaria ashi nunkanam shiir chicham etsereaj?
-
Chikich aents anena asar warimpia turaj?
-
Urukamtai etsereakur wara warat enentaimiaj?
NUKAP NEKAATA
Chikich nunkanmasha testigos de Jehová itiura etserainia nu nekaata.
Chikich nunkanmaya pisarar taaru ainiana nuna testigos de Jehová Yuusa chichamen itiura ujakaruit?
Chikich nunkanmania pisarar taaru ainiana nu aents Yuusa chichame ujainiaji (5:59)
Ii umai testigo de Jehová Yuusnan nukap najanu aujmateamu antukta.
Testigos de Jehová Yuusa chichamen etserkatai tusar chicham iwiartainiam nupetmakarua nu nekaata.
a Yuuska ni chichamen etserkarat tusa akuptamkaitji tuma asamtai Yuusa chichame etserkattsar uunt naamkaru eketainiana nu tsankamkarat tusar seashtiniaitji.
