Kristu aents ajastai takurkia imiantiniaitji Jesús tu timiayi (Mateo 28:19, 20 TNM aujsata). Itiur imiantiniaitiaj? Imiantiasarsha wari najanatniuitiaj?

1. Itiur imiantiniaitiaj?

Imiantinkia entsa pukut waniatin nuiti. Jesús imianmiania nui Jordán entsanam pukut wania entsaya jinkimiayi (Márkus 1:9, 10). Kristu aentscha aitkiasan imianin ainiawai.

2. Urukamtai imiantain?

Yuusai sumamsa asar imiantainti. Yuusai sumamatai tusar warintiniaitiaj? Yamaikia amin tuke enentaimtustatajme Yuus tu titiniaitji. Nuka imiantiasar ainis titiniaitji. Ainis Yuus seakur aya aminiak enentaimtustatjame tura ame wakeramurmin tuke najanattajai titiniaitji. Jesús najanamiania aitkiasnak najanattajai tusar ainis tutainti. Jesús junis timiayi: “Yaksha winia nemartustaj takunka ni wakeramurin iniais paurin entsak winia tuke nemartusti” (Mateo 16:24 TNM). Yuusai sumama imianin asa nu aentska Jehová amikri ajasminiaiti tura chikich aents Jehovan enentaimtuiniana nuna amikrisha ajasminiaiti.

3. Imiantiasar wari najanatniuitiaj?

Amesha imiantiaj tusam wakerakmeka Jehová penker nekaatniuitme tura ni nekas yainkiattawai tu enentaimsatniuitme (Israernum [Hebreos] 11:6 aujsata). Jehová penker nekaki weakum tura ni nekas yainkiattawai ainis enentaimkiumka Jehová ti aneastatme. Nu turakmeka Yuusa chichame etserkattsam wakerittiame tura Yuus umirkatniusha wakerittiame (2 Timiutéun 4:2; 1 Juaṉ 5:3, 4). Yaksha penker Jehovan umireak Jehovai sumama imianminiaiti (Kurusenam [Colosenses] 1:9, 10). a

 PENKER NEKAATAI

4. Jesussha imianmiayi

Jesús imianmiania nuna nekaattsarum Mateo 3:13-17 TNM aujsatarum. Turarum juna aujmattsatarum:

• Jesús imianmiania nui uchi kuirchiashia?

• Muuknum entsan ishichik ukatrarmiashia? Nuinkia itiura imiannimia?

Jesuska imiani Yuusa chichamen etserkatniun juarkimiayi. Rúkas [Lucas] 3:21, 23 tura Juaṉ 6:38 aujsarum juna aujmattsatarum:

• Jesús imianmiania nui wari takatnak najanatniun juarkimia?

5. Amesha imianminiaitme

Yuusai sumamar imiantin yama nankamtaikkia sapijmiamniaitji tumaitkiusha Jehovanu nekaki weakum amesha imiantin wakerittiame. Imianiarmia nu nekaattsarum VIDEO iistarum.

Juaṉ 17:3 tura Sántiak 1:5 aujsarum juna aujmattsatarum:

• Aents imiantiasa wakerakka warinia turatniuit?

1. Tuke amin enentaimtustatjame ainis takur Jehovai sumameaji.

2. Yuusai sumama asar imiantainti.

 6. Imianirkia Jehovanu ajaji

Imianirkia ashi nunkanmaya testigos de Jehovajai irutra ajaji. Ashi nunkanam irutraji tumaitkiusha nu Yuusak enentaimtaji tura Yuusa chichame tana nu umiaji. Yus Kanta [Salmo] 25:14 tura 1 Pítiur 2:17 aujsarum juna aujmattsatarum:

• Imianirsha wari urukattaj?

 WARI NEKAAM

Kristu aents ajastai takurkia imiantiniaitji Jesús tu timiayi. Imiantiai takurkia emka Jehová penker nekaatniuitji tura ni umireakur sumamsatniuitji.

Awakeasrik nekaatin

• Itiur imiantiniaitiaj tura urukamtai imiantiniaitiaj?

• Urukamtai sumamsar imiantiniaitiaj?

• Yuusai sumamsar imiantiasar iinkia wari najanatniuitiaj?