Jehovaka nayaimpiniam ni suntarin achiakeana nuna nekaawarat tusa wakerawai. Nayaimpinmanka Yuusa suntari pujuiniawai tura nuka Yuusa uchiri ainiawai (Náṉkammari̱ [Génesis] 6:2). Yuusa chichamesha Yuusa suntariniun warintia aujmatea? Yuusa suntarisha itiura yainkratin ainia? Mashiash penker ainia?

1. Yuusa suntarisha uruku ainia?

Yuus ju nunkanka najantsuk emka ni suntarin najankamiayi. Yuusa aintsan wainkiachmin ainiawai tura nayaimpiniam pujuiniawai (Hebreos 1:14 TNM). Yuusa suntarinkia untsuri ainiawai, tura chikichkimias metekcha ainiawai (Apukarípsis 5:11). Ninkia Jehová tana nujai metek umirin ainiawai (Yus Kanta [Salmo] 103:20). Yaunchukka Jehová ni aentsrin chichaman ujakarat tusa tura yainkiarat tusa nuya uwemtikrarat tusa ni suntari ainian akupniuyayi. Yamaiya juisha Yuusa suntari aents penker ainiana nuna wainkiarat tusar yainmainiaji.

2. Satanás ni suntarijiaisha tunia jintraruit?

Nukap Yuusa suntari Yuusa umirkatniun nakitrarmiayi. Emka Yuusan umirkachmiania nuka Satanasaiti. “Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti” (Apukarípsis 12:9). Satanaska winia umirtukarat tu enentaimiu asa Adán tura Evasha Yuusan umirkarain tusa anankawarmiayi. Chikich Yuusa suntari ainiasha Yuusan umirkarain tusa utsukmiayi. Yuusa suntari Yuusan umirkatniun nakitrarmiania nuka Iwianchi suntari ajasaruiti. Jehová nayaimpinmayan nunka utsawarmiayi tura jukerusan amukma artatui (Apukarípsis 12:9, 12 aujsata).

3. Satanás ni suntarijiai itiura anankartuawartasa wakeruinia?

Satanás ni suntarijiai warinkish niniu irunna nujai aentsun anankin ainiawai tura aujmatin ainiawai. Aentska horoscopon aujin ainiawai nuya chikichkia nekamniunmasha tura uwishniunmasha wenawai. Jainiakka tsuamartasar uwishniunam wenawai. Tura chikichkia ni jeen pujusar tsuamartaj tusar warinkish najanin ainiawai tumaitkiusha nekas iismaka nekaamatsuk Iwianchnian najanawarminiaiti. Chikichkia jakajai chichasminiaitji tiniu ainiawai. Tumaitkiusha jakajai aujmatin ainiana nui nuya nekamin ainiana nuisha wechatniuitji Jehová tu tawai (Riwiitikia [Levítico] 19:31). Jehovaka Iwianch ni suntarijiai yajauch amajkartusarain tusa nakitiawai.

 PENKER NEKAATAI

6. Iwiancha tura ni suntarisha nupetkarta

Iwianch ni suntarin achiakeawai. Antsu Yuusa suntari uuntrinkia arcángel Miguelaiti, nuka Jesusaiti. Miguelsha kakarmashit? Apukarípsis 12:7-9 aujsarum juna aujmattsatarum:

• Yaki imia kakarmait: Miguel ni suntarijiaiyash turutskesha Iwianch ni suntarijiaiyash?

• Kristu aentstisha Iwianch ni suntarincha ashamkartiniashitiaj?

Iwiancha ni suntarisha nupetkamniaitme. Sántiak 4:7 aujsarum juna aujmattsatarum:

• Iwiancha nuya ni suntarisha itiurchat amajtusarain tusam wari turatniuitiam?

 WARI NEKAAM

Yuusa suntarinkia yainmainiaji. Iwianch ni suntarijiainkia Jehová nemasri ainiawai nuya aentsun anankin ainiawai.

Awakeasrik nekaatin

• Aents Yuusan nekaawarat tusar Yuusa suntarisha itiurin ainia?

• Iwianch ni suntarijiai tunia jintraruit?

• Warinkisha Iwianchnia nu urukamtai najanashtiniaitiam?