Amee shuar jakaru achiakeamek? Amee shuar jakamtai kuntuts enentaimiakum amek animiasukaitiam: Jakarsha iwiaku pujutaish awash? Ii shuar jaka ainiana nusha uruma nui wainkiatjiash? Ju akankamunam tura chikich akankamunam Yuusa chichame tana nu nekaattaji.

1. Jakar iwiaku pujutaish awak?

Jesús chichaak jakatniuka kanamua aintsaiti timiayi. Urukamtai jakatniusha kanamujai metek aminiait? Yaksha pakeka kanar pujakka warinkish nankaaman nekaamachuiti. Aintsan yaksha jakanka najaimiachuiti, waitiu pujuchuiti turutskesha warinkish turichuiti. Yuusa chichame tawai: “Jakaruka penke enentaimcha ainiawai” (Eclesiastés 9:5 TNM aujsata).

2. Jakaru urukainia nu urukamtai nekaatniuitiaj?

Nukap aents jakatniun tura jakaru ainiana nunasha ashamin ainiawai. Amesha nuni enentaimkiumka yamai Yuusa chichame nekaam shiir warastatme. Jesús timiayi: “Núja̱i̱sha timiá nekas ana nu nekaattarme tura nekas aṉkant ajastatrume” (Juaṉ 8:32). Chikich religionka aentska jakarsha iwiaku puju ainiawai tiniu ainiawai tumaitkiusha Yuusa chichamenka ainis tatsui. Tuma asamtai jakarkia waitchatainti. Jakaruka enentaimcha asarmatai waitsarain tusar Yuus seatchaitji. Itiurchatcha amajtamsacharminiaitji. Waitkiarmasaraij tusar warinkisha juna najanatjai tu enentaimsashtiniaitji. Tura aintsan Yuusa nuke enentaimtutcha enentaimtuschatniuitji.

Nukap aents jakarujai aujmattsamniaitji tiniu ainiawai tumaitkiusha nuka penke turachminiaitji. Jakaru ainiana nuka “penke enentaimcha ainiawai”. Aents jakajai aujmateajai tuiniana nuka nekas nekamka Iwianchi suntarijiai aujmatainiawai. Jakar uruktain nu nekakrinkia Iwianchi suntarisha anankramashtatji. Jehovaka jakajai aujmattsatin enentaimsairap turamji. Jakajai chichastin wakerakrikia nekaamatsuk Iwianchi suntarijiai chichastatji (Muisais Ujakma [Deuteronomio] 18:10-12 aujsata).

3. Jakar uruktain nu nekaamniaitji

Ashi nunkanam jakar uruktain nuna nankamas tuiniawai. Tuiniana nu nekaschash aminiaiti.

• Aentscha jakar uruktainti tiniu ainia?

 4. Jakar uruktain nu nekakur waraji

Jakaru itiur puju ainia nu nekakur jakaru ainia nu ashamatsji. Eclesiastés 9:10 TNM aujsarum juna aujmattsatarum:

• Jakaru ainiana nusha itiurchat amajtamsarminiashitiaj?

Yuus papiinium jakar uruktain tana nu neka asar jakaru enentaimtichuitji. Isayas 8:19 tura Apukarípsis 4:11 aujsarum juna aujmattsatarum:

• Jaka ainiana nu yainkiat tusar seakrinkia Jehovasha itiurak enentaimsamniait?

5. Jakar uruktain nu nekaar shiir enentaimiaji

Chikichkia iwiaku pujusar yajauch najana asar jakar waittiainti tu jintinkratin ainiawai. Tumaitkiusha yajauch najana asarsha penke waitsashtiniaitji tama nekaar ti shiir nekapeaji. Rúmanam 6:7 aujsarum juna aujmattsatarum:

• Yuus papii tana aintsan jakarkia tunaanumia ankan ajaji. Nuinkia jakaru ainiana nu tunaarin akikmaktasar waitiainiawash?

Jehová tana nu nuka nukapet nekaaki weakur jakaru ainia nunaka waitkiachuiti timiniaitji. Muisais Ujakma [Deuteronomio] 32:4 tura 1 Juaṉ 4:8 aujsarum juna aujmattsatarum:

• Yuus papii tana aintsan anenkratin Yuus jakaru ainia nuna waitkiasarminiashit?

• Jakar uruktain nu nekaam amesha itiur enentaimiam? Urukamtai tush enentaimiam?

 WARI NEKAAM

Aents jakanka ni iwiakmarisha amuiniaiti. Jakaka waitkiakratcha ainiawai tura waitiu pujuchu ainiawai.

Awakeasrik nekaatin

• Jakar iwiaku pujutaiyashit?

• Jakar uruktain nu urukamtai nekaatniuitiaj?

• Jakar uruktain nu nekakur urukamtai shiir nekapeaj?