Aents jakamtainkia waittiainti tura ti kuntutsaiti. Yuusa chichame tawai jatainkia ii nemasrinti (1 Kurintiunam 15:26). Akankamu 27 nui jakatniun Jehová amuktatna nu nekaamame. Aents jakaru ainiana nusha urukawartin? Jakaru ainiana nuna ju nunkanam tuke iwiaku pujusarat tusa Jehová iniankiartatna nu ju akankamunam nekaattame. Nekasash nantakiarat? Nayaimpinmash turutskesha ju nunkanmash nantakiarat?

1. Aents jakaru ainia nuna Jehová itiurkatta?

Aents jakaru ainiana nuna iniankiartasa Jehová wakerawai. “Jaka ikiutainiam” pujakuisha Yuuska kajinmattrukchattawai Job tu enentaimmiayi. Tura Yuusan junis timiayi: “Ame untsurkumin wi aiktatjame” (Job 14:13-15 TNM aujsata).

2. Jakaru ainiaka nantakiartatui urukamtai taji?

Jesús ju nunkanam pujumiania nui aents jakarun iniankiarat tusa Yuus kakarman susamiayi. Jesús nuwach 12 uwi achiaku jakan iniankimiayi nuya waje uchirincha iniankimiayi (Márkus 5:41, 42; Rúkas [Lucas] 7:12-15). Tura chikich tsawantin Jesusa amikri Lázaro jakamiayi tura 4 tsawan iwiarsamu pujan Jesús iniankimiayi. Yuusa sea kakantar “ ‘Rásaru jiinkitia’ tímiayi. Núja̱i̱ṉkia penuarmartiuk jiinkimiayi” (Juaṉ 11:43, 44). Lázaro amikri tura ni shuari ti warascharmiashia.

3. Ii shuar jakaru ainiana nu nantakiartimpiash?

Yuus papii tawai: “Tura jakaasha nantaktin átatui, tajai” (Túramuri̱ [Hechos] 24:15). Jesús jakarun iniankiarmia nuka nayaimpinmanka wecharuyayi (Juaṉ 3:13). Jesús iniankiarmia nuka ju nunkanam nantakiar warasarmiayi. Ukunmataisha Jesús aents jakaru ainian ju nunka shiiram ajasmanum iniankiartatui. Jesús timiayi Yuuska aya yana enentaimta nunak iniankiartatui, ni shuarka kajinmatkiaruitkiuisha Yuuska kajinmatkishtatui (Juan 5:28, 29, nota TNM).

 PENKER NEKAATAI

4. Jesús jakaru ainian iniankiarmiayi

Jesús ni amikri Lazaron itiurkamia nu nekaata. Juaṉ 11:14 tura 38-44 aujsarum juna aujmattsatarum:

• Lazaroka nekas jaka pujumiayi urukamtai ainis taji? (Akantramuri 39 iistarum).

• Lázaro nayaimpiniam weuwitkiuinkia Jesús ataksha nunka itiarminiashia?

VIDEO iistarum.

5. Untsuri aents nantakiartatui

Yus Kanta [Salmo] 37:29 aujsarum juna aujmattsatarum:

• Untsuri aents nantakiartatna nusha tuin matsamsarat?

Jesuska aya Jehovanak umirkaru ainiana nunakka iniankichartatui antsu chikich aentsnasha iniankiartatui. Túramuri̱ [Hechos] 24:15 aujsarum juna aujmattsatarum:

• Jakaru nantakiartatna nui ya nantakit tusam wakeram?

• Phelicity naartinia apari jakaru nantakiartinian neka asar itiur enentaimiainia?

 WARI NEKAAM

Yuusa chichamen tawai aents jakaru nukap nantakiartatui. Jehovaka nantakiarat tusa wakerawai. Jesusan jakarun iniankit tusa kakarman susaiti.

Awakeasrik nekaatin

• Jehová Jesusjai jakaru ainia nu nantakiarat tusa wakeruiniawai urukamtai taji?

• Aents jakaru nantainiak tuin nantakiarat: nayaimpinmash turutskesha ju nunkanmash? Urukamtai tush enentaimiam?

• Amee shuar jakasha urukamtai nantaktiatui tu enentaimiam?